十二味 (碧麗花園)

营业中

休息中

呢排好钟意食辣，见到朋友屋企附近竟然有呢间，仲有我钟意既干锅，即刻试试。呢到用qr code落单，非常方便。装修都几靓干锅 （5𩠌）- $ 238我平时食开果间都系可以拣𩠌既，但就一人size咁上下，咁我预计呢到模式差唔多，份量应该都差唔多啦。点知！个碗成个脸盘咁大，真系好正！一上台就闻到香辣味，入面辣既调味好多，有干辣椒、青辣椒、辣椒酱等等。我地叫左小辣，有午餐肉、肥牛、蒿笋、鱼腐同寛粉。午餐肉有煎过，好香口。肥牛份量超多，够牛味又有辣味，滋味。篙荀够爽口。鱼腐有惊喜，辣味加上外皮甜甜地咁，有层次。寛粉烟韧弹牙，好入味。白饭 - $12食干锅真系要配返碗靓仔，中间balance下。靓仔粒粒分明。红糖糍粑 - $48 呢个甜品基本上见到都会叫，因为真系好好食！外国炸到超脆，入面系软林林既糍粑，重点系呢到整到一啲都唔痴牙，外面有大量好香既黄豆粉，加上红糖酱，大推！桂花酒酿 - $38 呢个特饮系好饮酒酿丸子个汤咁，系米酒加热再雪冻咁，米酒味好重，桂花味都好香，配辣野食好解辣。