韓魂

日式放题同任食火锅食得多，可以试下呢间由韩国人主理嘅韩烧店🇰🇷~ 最平$348 dinner就可以无限时任食烧肉♨️，以家dinner仲有酱油蟹送，60+款熟食+多款饮品，环境阔落可以慢慢坐慢慢食，港岛区嚟讲真系好抵玩🤑!咁亲民嘅价钱竟然offer韩国直送五花肉✈️，牛肉都算系高质~ 咩都未order就上左一盘烧肉拼盘🥓，有齐熟成黑毛安格斯牛肩扒、牛颈脊同猪五花等。店员会帮你烧~ 估唔到放题都咁有service🫡!酱油蟹&虾拼盘限送一份🦀，可能系你唯一觉得唔够嘅野😆!熟食方面有超过60款🤩，全部都系传统韩国菜，海鲜煎饼、部队锅、炒粉丝、辣炒年糕全部都有~ 炸鸡有惊喜~ 两只味都出色🐣。最后当然要食甜品~ 雪条雪糕都系韩国品牌唔系hea你🍨。总括嚟讲，如果你系meatlover，真系可以坐几个钟食好多好多肉，就算你唔系食肉兽，都大把韩国菜俾你拣🥢，一个价钱食晒大半个韩国。