Goobne Chicken (M88) (已結業)

Goobne chicken 中环店，每一次去都觉得无论食物同服务都系相当满意。UFO芝士火锅（无骨）6种口味中拣2种口味，我哋拣咗甜辣烤鸡，三重芝士烤鸡，中间芝士用上马苏里拉芝士、车打芝士同巴马臣芝士。首先要煮溶D芝士，然后就可以将D芝士卷住鸡肉嚟食，店员服务好好，会主动帮你卷住一件芝士烤鸡比你，非常贴心，烤鸡外皮好脆，鸡肉嫰滑多汁，软软芝士卷住鸡肉一齐食，味道超夹。铁板海鲜煎饼煎饼里面有虾、鱿鱼、蛤蜊同香葱，两面都煎得好香脆，略嫌海鲜馅料太少。食韩国嘢点少得冻饮，一人叫咗一杯特饮，卖相吸引，好饮感觉透心凉。