반찬앤쿡 Banchan and Cook (時代廣場) (已結業)

依间新开韩式cafe系时代广场，位置好方便。 环境以淡木色为主调，几有文青风格，俾到一种好清新既感觉。黎到依度食dinner, 叫左一个二人晚餐 set 加 厚蛋三文治。个套餐有韩牛或黑毛猪拣,我地今次试左黑毛猪。二人黑毛猪套餐($448)比我地想像中大份，下面有个炉热住，里面有黑毛猪五花肉，炸鸡，年糕，每样份量都好多。仲有一旧好厚既芝士汉堡扒，上面铺左块好邪恶既芝士。底部系d泡菜同芝士。全部都好邪恶，但好好味。另外套餐仲可以配塔2款主菜，听讲依度主打蛋包饭，所以拣左牛肋骨蛋包饭同埋炸猪里脊扁意粉。原条烤牛肋骨蛋包饭成个牛肋骨d肉已经帮你切好一旧旧，好贴心。酱汁有d似红酒烩牛尾，好入味。口感唔错，好似食紧叉烧。😂另外就系令人期待既蛋包饭。一上菜时店员会帮你𠝹开蛋皮，一切一反，嫩滑半熟既蛋浆就会流出黎，见到都流口水，饭系泡菜炒饭食得好开胃。极上炸猪里脊扁意粉个炸猪里劲好食，外皮好酥脆，食到有d胡椒味，味道有别平时食开既炸猪扒。韩式厚蛋三文治($68)另外一款既热门主打，个三文治会切开成2份。个蛋真系超厚，嘴唔够大无法一口咬落去。中间夹既系玉子蛋，涂左一层薄薄既甜芥末酱，仲有淡淡既蛋香味。