Terrace in seaside (屯門市廣場1期)

营业中

休息中

一直好想试吓 ❥⧽𝐓𝐞𝐫𝐫𝐚𝐜𝐞 𝐢𝐧 𝐬𝐞𝐚𝐬𝐢𝐝𝐞 ❥⧽, 今日终于有机会喇, 餐厅环境走韩风简约路线,周围都有绿色植物/ 柑橘装饰, 感觉舒适。𓊈泡菜猪肉饭卷𓊉饭卷好多馅料呀, 有猪肉, 青瓜, 红萝卜, 酸萝卜, 鱼糕, 蛋同泡菜。d 饭仲要系充满泡菜汁, 成个口感好丰富。𓊈烧酱油黑毛猪白切肉饭𓊉黑毛猪白切肉结合咗一层猪皮, 一层肥肉同一层猪肉, 肉质软腍, 有入口即溶嘅感觉, 连埋泡菜饭一齐食, 好似食烧肉夹生菜一样, 可以解油腻感, 好好食!𓊈水果忌廉三文治𓊉水果三文治喺韩国好普遍, 估唔到呢度都有, 时令水果系菠萝嚟, 都几大份。𓊈济州抹茶窝夫𓊉个窝夫好大份呀, d cream 多到迫爆萤幕😂 窝夫好松软, 连埋吉士酱, cream 同埋抹茶饼干一齐食, 好有层次, 大满足!𓊈济州柑橘乳酪𓊉呢度嘅柑橘乳酪好特别, 大大粒柑橘放喺上面, 真系好 igable, 好香柑橘味, 甜甜地, 好好饮。𓊈热情金菠萝沙冰𓊉杯沙冰加咗紫色好梦幻, 菠萝味好重, 酸酸地, 喺热辣辣嘅天气下饮沙冰真系好爽。✧✧ 整体食物饮品都好好食呀, 环境好简洁舒适, 值得再去食呀。