金羅寶韓國料理

营业中

休息中

同朋友系铜锣湾行左阵街，想揾间餐厅坐下倾下计。谂起金百利广场都多野食，就睇下有咩拣。见到呢间韩国餐厅都几多款式拣，就入左去试试😎🟠手工酱油蟹（$280/1只）呢到既酱油蟹真系好好，唔使预订都有得食😝酱油蟹冻冻地，一咇就已经可以咇到所有肉同膏出黎食，配埋紫菜食既时候，蟹膏既味更加突出，简直系将成件事升华左呢🤤🟡韩式辣菜牛肉炒年糕（$175）呢碟年糕够哂份量，有不少牛肉同年糕。牛肉嫩滑，而年糕亦好有咬口，唔会煮得太长时间。同埋岩哂我呢d唔食得太辣既人，只系少少辣，够哂惹味之余又唔会食得太辛苦👍🏻🟢牛肋骨绍菜豆酱汤（$175）牛肋骨既牛味香浓，肉质亦够嫩，牛骨加上其他配料，令成个汤都好够味，而且好有牛味🤠🔵炸酱面（$138）炸酱面既面质软硬适中，而且要赞赞个面质，即使同朋友倾左一阵先要食，面质都仲仍然烟靭。而且个酱汁系我中意个种唔会太过甜既汁🤡而餐厅最令我惊喜既系附送既前菜，去韩国餐厅通常都有前菜附送，但呢到既前菜款式好多，有泡菜，芽菜、薯仔沙律、脆紫菜等等等。真系食完前菜已经满足左一波。到最后竟然仲有雪糕做甜品，完全系大满足😽环境方面：餐厅枱与枱之间有一定距离，座位又大又好坐，同朋友可以慢