影片
更多
2014-02-26
2290 浏览
呢排来自星星的你炒得兴起, 身边有好多朋友话题离唔开炸鸡啤酒, 全智贤全身上下名牌, 男主角有几靓仔...差唔多每个星期都有朋友话要去韩国...呢阵韩流吹得特别厉害!我同男友俾唔起机票钱去韩国, 咁o岩同事又介绍一间叫奶奶鸡o既餐厅, 听个名都搅笑, 半信半疑之下, 同男友去左铜锣湾分店试一试。上openrice揾左个地址, 虽然系上楼铺, 但唔算难揾。o系铜锣湾广场一期对面, 抬头望上仲见到个招牌。一上到去见到有好多人排紧队, 最后我地大约等左15分钟左右。o个度d装修几特别, 仲播住j pop o既歌, 虽然我冇听开, 但系有几首都系电台都有播过o既歌, 成个气氛都做得好好, 感觉真系有d似唔o系香港!一张A4纸咁大o既menu, 眼看好似唔系好多野食, 但系愈睇愈多野想食。因为得两个人食饭, 我同男友就住就住, 唔系好敢叫咁多...最后我地叫左半只安东奶奶鸡(唔辣), 泡菜, 芝士咖哩年糕, 再加支asahi!铁造o既碗筷, 男友好欣赏, 佢之前已经讲过想买双铁筷子番去, 差d想打开我个袋摆佢地落去XD虽然我唔食辣, 但其实有时出街食饭有泡菜, 我都会拎黎捞饭食, 酸酸辣辣加落个
差唔多每个星期都有朋友话要去韩国...呢阵韩流吹得特别厉害!
我同男友俾唔起机票钱去韩国, 咁o岩同事又介绍一间叫奶奶鸡o既餐厅, 听个名都搅笑,
半信半疑之下, 同男友去左铜锣湾分店试一试。
上openrice揾左个地址, 虽然系上楼铺, 但唔算难揾。
o系铜锣湾广场一期对面, 抬头望上仲见到个招牌。
一上到去见到有好多人排紧队, 最后我地大约等左15分钟左右。
o个度d装修几特别, 仲播住j pop o既歌, 虽然我冇听开, 但系有几首都系电台都有播过o既歌, 成个气氛都做得好好, 感觉真系有d似唔o系香港!
一张A4纸咁大o既menu, 眼看好似唔系好多野食, 但系愈睇愈多野想食。
因为得两个人食饭, 我同男友就住就住, 唔系好敢叫咁多...
最后我地叫左半只安东奶奶鸡(唔辣), 泡菜, 芝士咖哩年糕, 再加支asahi!
铁造o既碗筷, 男友好欣赏, 佢之前已经讲过想买双铁筷子番去, 差d想打开我个袋摆佢地落去XD
虽然我唔食辣, 但其实有时出街食饭有泡菜, 我都会拎黎捞饭食, 酸酸辣辣加落个饭度唔错。不过我地最尾都系冇叫饭, 因为坚系惊食唔晒...
呢个泡菜味道唔错, 因为有时会有d太淡味, 有d太辣唔酸, 呢个味道刚好。
呢个芝士咖哩年糕好好味, 我好钟意食芝士, QQo既年糕我都好钟意~但系最估唔到系原来咖哩同芝士同埋年糕系咁夹, 而且佢个咖哩唔辣, o岩晒我~
而且有好多芝士, 夹上黎可以拉到好长~
个碟好大! 我地就系因为见到隔离台咁大只碟吓亲!味道系鼓油味, 咸咸地系我钟意食o既味道~
呢个𩠌样样都做得几好, 鸡肉红萝卜水晶粉同青瓜好入味, 而且都好"林"~
其实我唔系咁钟意食青瓜, 但系呢个𩠌个青瓜做得唔错, 我都食左几旧。
食完之后觉得同事冇介绍错, 不过下次会揾多d朋友一齐食, 因为两个人真系食得唔多野...
张贴
