韓珍 (寶勒巷)

营业中

休息中

偶然系OpenRice发现呢间韩式餐厅，第一次去试，感觉都几韩风。餐厅大部份服务员都系韩国人，听闻餐厅都系由韩国人主理，仲有好多韩星打卡位同音乐节目睇，几啱我呢啲有留意下韩国明星嘅人。-牛肉拼盘 $320拼盘有三款牛肉，包括调味烤排骨、调味烤里脊同调味特级牛肋骨。三款肉质都几嫩滑新鲜，经调味后牛味更特别。欣赏呢到嘅韩烧炉，唔易烧㶶食物，而且食完都唔会有油烟味。餐厅附有三款调味料供客人蘸点，韩式辣酱都几惹味。凡系韩烧就会送一份鸡蛋烧同生菜，饱足感满满。-牛舌 $160份量颇多，每块都又圆有大块。入口带些许韧性，牛香浓厚。唧上柠檬汁，牛舌更多咗少许清新香气，食落开胃。店员间唔中仲会主动帮手烧，服务周到。-炒年糕汤配乌冬 $128年糕汤好有真正韩国菜嘅风味，甜辣度啱啱好。年糕烟烟韧韧，乌冬绵软，汤味渗入年糕同乌冬之中，好过瘾。-酦酵人参鸡汤 $109鸡汤味道清甜，汤底呈乳白色。除咗有大大只人参鸡，底层更有糯米饭。鸡肉偏瘦，食落口感较扎实，清清地配埋汤一齐食用都几好。