BANCHAN

营业中

休息中

今日系星期日，难得放假，我就同咗母亲大人去太古行街，行到傍晚时间，就去食晚餐喇！今次同妈咪就拣咗食韩国菜，呢间餐厅叫Banchan and Cook，见到佢嘅装潢设计简单又舒服，非常之有韩国风。睇完餐牌，见到好多野都好想食，最后我哋都拣咗五样嘢一齐share食！第一个系外型好特别，大大碟嘅黑色海鲜蛋包饭，一切开个蛋包饭，黑色嘅墨汁流晒出嚟，入面系粒粒嘅蔬菜蛋炒饭，饭粒粒分明，仲有两只青口同一只大虾，平时真系好少喺韩国食到咁型格嘅蛋包饭。第二个菜系慢煮羊膝配薯条，羊膝大大个，炆到非常稔和入味，羊膝个汁酸酸哋，好开胃，薯条蘸呢个汁食，啱哂！食韩国菜唔少得嘅一定系韩式炸鸡，我哋都唔例外，叫咗半份甜辣炸鸡，炸鸡外脆内软，甜甜哋又辣辣哋，食完上瘾，想再食添呀！食完主菜，就到甜品，我哋叫咗一份韩式杂莓牛角包窝夫，窝夫烘到脆卜卜，又有杂莓一齐食，好清新。食完咁多嘢，点少得一人一杯嘅韩式饮品，我就叫咗一杯士多啤梨红桑子梳打，好fruity；妈咪叫咗一杯科学怪人之夜，即系竹炭绿茶！总括嚟讲，呢度嘅水准系几高，大家快啲去试吓喇！