雪話雪冰 (已結業)

食完晚饭，又系食甜品嘅时间！见到一间新开嘅甜品店，多人排队之余，又主打韩式甜品，又喺试新嘢嘅时间！环境装修都几好，好有韩国风味！而且有两部大电视，讲紧雪奶喺咩，不过韩文真喺听唔明！睇到 menu 先知道，原来主打嘅韩式甜品叫雪奶，100% 由新鲜牛奶制造，绝冇任何添加剂，纯天然，而且大部份食材，都喺由韩国入口！啱哂我依啲怕肥嘅麻甩佬！我哋两个人，一人叫咗一碗，《白雪幻彩雪奶》同《宇治金时红豆雪奶》！口感同传统刨冰及绵绵冰囗感真系好大分别，入口即熔，好似食棉花咁！雪奶本身比较淡身，带有少少奶味！主要味道来自啲酱汁！我自己钟意食沫茶，所以拣咗《宇治金时红豆雪奶》！其实总括，味道比较清新，少少大啖咗都唔会头痛！同女朋友一齐就最啱！