Cooking MaMa 360 (已結業)

韩风吹得咁行，少不免要食多啲韩国野食。所以一嚟到 cooking mama就咁多人排队！成间铺头都几光猛，同普通韩食装修有啲唔同。不过泡菜石锅饭唔够热，所以饭焦都不多...味道就普通啦，始终唔够热系石锅饭嘅一大败笔。另外就系个名好架势嘅酥皮焗咖喱牛肋芝士年糕！都几大兜架净食酥皮都饱一半，酥皮都几热辣辣好味，不过咖喱同年糕真系唔多夹，年糕亦略嫌太韧，牛肉嘅份量仲好少添。再来就系鱼串，由于好挂住韩国嘅街头味道，所以点来一试，味道不过不失，口感唔差嘅，系个汁太咸姐。要食泡菜记得要问店员喇，唔会自动畀架！不过一畀就成兜畀唔孤寒。