茶室

营业中

休息中

自从2年前跟马拉朋友去马拉食正宗肉骨茶后，一直好怀念那浓浓嘅药材味，有时都会用马拉买返嚟嘅汤包料自己煲一煲慢慢叹。有次睇杂志见到原来九龙湾都有间东南亚口味嘅食店，虽然距离公司远左少少，但我都抱住一试无访嘅心态嚟试下，试过呢度嘅肉骨茶和海南鸡后，都会食过番寻味。中午时间真系周围都咁多人，而呢间小舖真系几细下，每次嚟都要等位，好在佢流转得快，等左15分钟左右就有位。餐牌都算多选择，但我之前试过槟城虾面，觉得同我喺槟城食嘅相差好远，所以我嚟衬都系叫海南鸡或肉骨茶用瓦煲载住嘅肉骨茶，离远都闻到香味，索一索舒筋活络。里面有三条一字骨、二个大冬菇、二粒豆腐卜、一条生菜、半条油条，每次都好standard食肉骨茶我喜欢马拉口味，够重药材味。而唔似新加坡嘅一味偏重胡椒味。呢煲肉骨茶汤底系接近马拉口味，虽然无马拉食到嘅味道咁浓,无咁重药材味，但都仍然有好香嘅当归杞子味，香港人可能会比较易接受啲。我亦爱食佢嘅一字骨，够淋。冬菇够滑同够入味，豆卜更加不用讲，索晒啲汤底味，一流呀。冬天饮完一身暖晒，夏天饮完出身汗，以热制热，总之一年四季都岩饮啦。肉骨茶可配白饭或米线或米粉，个人就喜欢配饭啦。