新東記火鍋店 (已搬遷) 新店位置

呢个冬天都食咗唔少餐火锅，今次去到尖沙咀新东记，一啲都无令我失望。菜单上选择唔少，包括汤底、火锅食材都非常多选择。呢个日本九州猪骨汤，材料非常之多，用上好多猪骨、冬茹、粟米等等煮沸而成，汤底香味浓郁，能够带起食材味道，但又唔会太咸，非常出色!接著嘅海鲜亦极为新鲜，加拿大肥蚝、日本带子、桂花蚌等等卖相唔单止吸引，味道仲甚有水准。肥蚝只只都非常饱满，入口时唔会过份缩水，满口鲜味; 而桂花蚌带有爽劲口感，兼且唔系间间餐厅有，绝对要必点!雪花肥牛肉，脂肪比例非常平均，所以入口时带有少少油香味，兼且选料新鲜，系滚汤中滚十数秒，都已经食到嫩滑口感。最后有呢几款食肉，手打三色丸、牛舌片都带俾无穷滋味。三色丸有虾丸、牛肉丸、墨鱼丸，款款都系手打，所以胶质特别重，入口时亦有爽劲口感。牛舌片亦无膻味，反而有牛肉香味，兼且口感比牛肉更丰盈，亦系另一重点推介。