影片
更多
2022-10-27
23 浏览
尖沙咀一带美食繁多，今晚继续揾食，决定唔做太多研究，见到环境好，价钱合理就试下啦。厚福街系出左名嘅食街，作为肉类终极爱好者，今晚就试下呢间地舖，系一间以肉类为主题嘅日式丼饭专门店，肉搏食堂。1. 慢煮黑豚盛丼：一上菜真系吓左一跳，我明明叫丼饭但系一粒饭都见唔到嘅，原来系啲黑豚太多，遮住晒下面嘅饭啦哈哈。黑豚滑溜松软，配合日式芝麻酱同忌廉，既酸又甜，加上一只非常正嘅流心温泉蛋，一流！2. 香葱顶级牛肉配鹅肝丼：重头戏啦。接近十片厚切顶级牛肉，烧至5-7成熟，口感十足，牛肉味丰富，牛肉爱好者必食。当然不可不提面头舖住一块极极极正嘅厚切鹅肝，肥美，油脂味浓，配牛肉同饭一齐食真系人间极品，唔多讲，去试下。真系好正。3. 盐烧三文鱼头：呢道小食最完美之处，莫过于鲜嫩鱼肉、肥美鱼油同甘香鱼皮合演嘅完美交响乐，味道好似音乐咁萦绕于口中，细细品味，调节生活节奏，一乐也。4. 蓝梅青柠梳打、青瓜青苹果沙冰：饮品亦系呢间小店嘅一大亮点，大量非常吸引嘅选择，今晚食肉试下唔配红白酒，夹下清新生果冻饮，原来系咁perfect池，咁match㗎，边饮边食，绝对可以将美食升华左去另一个层次，推荐。总结呢个食堂地点非
1. 慢煮黑豚盛丼：一上菜真系吓左一跳，我明明叫丼饭但系一粒饭都见唔到嘅，原来系啲黑豚太多，遮住晒下面嘅饭啦哈哈。黑豚滑溜松软，配合日式芝麻酱同忌廉，既酸又甜，加上一只非常正嘅流心温泉蛋，一流！
2. 香葱顶级牛肉配鹅肝丼：重头戏啦。接近十片厚切顶级牛肉，烧至5-7成熟，口感十足，牛肉味丰富，牛肉爱好者必食。当然不可不提面头舖住一块极极极正嘅厚切鹅肝，肥美，油脂味浓，配牛肉同饭一齐食真系人间极品，唔多讲，去试下。真系好正。
3. 盐烧三文鱼头：呢道小食最完美之处，莫过于鲜嫩鱼肉、肥美鱼油同甘香鱼皮合演嘅完美交响乐，味道好似音乐咁萦绕于口中，细细品味，调节生活节奏，一乐也。
4. 蓝梅青柠梳打、青瓜青苹果沙冰：饮品亦系呢间小店嘅一大亮点，大量非常吸引嘅选择，今晚食肉试下唔配红白酒，夹下清新生果冻饮，原来系咁perfect池，咁match㗎，边饮边食，绝对可以将美食升华左去另一个层次，推荐。
总结呢个食堂地点非常方便，环境明亮，食物顶级水平，绝对系顶级享受。
张贴
