順。越南牛肉粉

营业中

休息中

餐厅：顺。越南牛肉粉地点：中环街市菜式：越南菜餐牌：下午茶餐牌简单，有汤粉（河/檬），捞檬同小食。下午茶主食会比午餐平，小食好似价钱一样。去counter落order比钱之后等食物出。会安鸡丝扎肉捞檬 $58会安鸡丝扎肉捞檬下午茶同午餐份量一样大大碗，不过价钱就平十几蚊，抵食。扎肉有四片，口感弹牙味道咸咸地；鸡肉条唔少，好健康无脂肪，口感好淋。面头洒上脆碎同花生碎加添口感。伴有酸甜红白萝卜丝，青瓜丝同生菜碎。仲有薄荷叶一片，青柠半只同少少辣椒。鱼露用胶兜另上，酸酸甜甜好开胃。檬粉系幼身，都好清爽，份量好多。亚答慢煮猪手原只 $148亚答慢煮猪手切到细细件好易入口。猪手块皮超弹牙又滑溜，骨胶原重，脂肪唔算多，肉质嫩口，而且味道入味，好多肉食。配有两细兜酸辣汁。猪手仲伴有糖心蛋一开二同咸菜。自家芋泥鲜奶 $32久久自家芋泥鲜奶用外卖胶杯上，冰下底就系芋泥。鲜奶好滑，味道唔甜，配甜甜哋嘅芋泥系啱啱好，而芋泥有少少咬口。速食午餐之后继续返工。