大福屋拉麵 (已結業)

今日开张的大福屋之所以引起Bill tai tai的留意，主要系佢又系主打"鱼介猪骨汤"，早前去"台风"食面，吃左个沾面麻麻地，但我谂鱼介猪骨汤都会系未来拉面潮流，且看大福屋又会如何啦！今日虽然去开中环做野，一早经过但赶住做野唯有过门而不入，晚市再来吃过，留影一张啦咁。见门面有晒花牌，都几靓靓仔仔咁，都颇有期望。终于到左放工时间，太约5点半左右，店舖坐左7-8个左右，我就一个箭步冲入去吃！ 一早谂定食咩唔好徙时间，叫左个大福屋系列浓厚原味$62 (要加一)，有开张优惠coupon 原来想试埋半价饺子，得我一个食唔晒就留返跟老公再来时用(如果好食的话)。今日就用左个like facebook送汽水的优惠先。等左10分钟，面来了！正！好够热！讲真上次台风一役，佢扣分的地方都系因为沾面汤不够热，我今次就吃个汤拉面稳阵d！呷口汤！不错，有"鱼介"味，是鲣鱼的味道，叉烧普普通通，面都几弹呀，我加左放在台面的生洋葱，个味又唔同左，好在off duty，如果唔系口臭臭对客就唔系几好啦！ 总的来说都几份量、味道都不错，会再encore ！