Four X Four (已搬遷) 新店位置

作为显径邨既街坊，见到系显径谷有好多街坊推介呢间新开既餐厅，Four X Four，所以衬今日星期日就去试下。闻说系四位年青人开既餐厅，好佩服佢地实践自己既梦想。入到铺头，我将手袋放左系地下，职员好细心咁帮我放返上凳，真系要赞下呢个窝心举动。我叫左lunch set既all day breakfast ($78)，包左餐汤(蕃茄红汤)。佢入面都几多款食物，炒蛋，蕃茄，肠，烟肉，茄汁豆，多士，蘑菇，沙律菜。份量都几丰富，食物味道唔多调味，味道比较Raw，我觉得系中上之选。另外，佢系包饮品，但我加左$10，点左焦糖玛其朵，我觉得拉花好靓，同埋好好好好饮，真心推介！食完后觉得好chill好relaxed，显径邨好少呢类餐厅，建议大家去试下。同埋佢无加一服务费，所以呢个brunch盛惠88元。