榮式燒雞扒 (舊大街)

营业中

休息中

榮式好多分店，香港仔呢間人流唔算旺，聽聞質素ok咁就試試佢。先睇餐牌，人地話蓮藕餅好食，但今日少少熱氣，叫左招牌的雞扒飯就算數，$53包凍飲。咁岩入面爆左客，真難得，所以買外賣番去就算啦。一打開算夠份量，兩塊大雞扒，幾長下。睇黎外賣都冇影響質素。飯底正常，汁都係。個雞扒幾滑，聲稱係板燒既，夠味，一塊脆皮一塊唔脆，可能係外賣關係。總結：正常雞扒飯一個，街坊野黎講算中上，皮脆d會好d，價錢偏高，54蚊一個飯喎，抵唔抵就自己諗，試一次都冇防既。