醉美島 (已結業)

今日突然好想食串烧，元朗出名多野食，今次拣左工作附近的小店试下，叫醉美岛。店内的座位虽然唔多，但都宽敞，吸烟的朋友仲可以坐出去，多一种选拣，适合同朋友一起小酌一杯倾下计！点餐用QR CODE落单，好方便，一见餐牌，发现价位大约都在几十块之间，不需要花大钱也能吃饱喝足，平价美味的串烧，就算点满一桌也不心疼！我地都点左好多︰粒粒粟米串、醉美花肉、惹味牛舌、鱿鱼板串、肥牛金菇卷、烧鸡软骨。前菜系鸡泡鱼干，好香酥，愈食愈滋味，停唔到口。肉类串烧，油脂够多够香，啖啖肉十分满足，温度够可以锁住口感不错，调味恰到好处，好好食。而且食得出肉系先腌制再生烧，最后撒上孜然粉，肉嫩多汁，正。厚切牛舌系串烧必叫之选，表面微焦，外爽脆内软腍，别有一番风味糯米粟，以一粒粒咁串起，食落口感会烟韧啲。蒜蓉茄子、秘汁鲍鱼及娃娃菜必点，大大份，仲要好惹味，甜烧菠萝，好甜好多汁。