好燒式串燒專門店 (砵蘭街)

营业中

休息中

𠮶日约咗朋友出嚟吹水，吹水好地方梗系食串烧。之后我哋去咗好烧式。入到去发现人数都唔少，所以来之前可以先预约架。发现有啲好特别嘅款式。坐低之后，我哋即刻叫啲串烧。我哋发现有厨师推介，同意粉添。叫咗个烧日本鸡泡鱼干，食落好有口感。特别推介墨西哥薄饼芝士鸡肉。非常脆嘅薄饼包住芝士三色椒同鸡肉，口感非常丰富，芝士味又好香浓。好少见烧烤店有意粉食，估唔到个意粉可以做得咁出色，面条非常弹牙，配上浓浓嘅龙虾汁同车厘茄，非常鲜味。只虾仲好大只添。串烧真系烧得好出色。烧茄子烧得刚好，仲好多汁美味，完全唔会干。烧豆腐都好特别，外脆内软，配埋酱汁真系食到停唔到口。牛肋串系安格斯牛，肉质鲜甜。