影片
更多
2018-11-13
59 浏览
有朋友搬左去太古城，咁见佢我食饭派帖，我就谂不如揾间近佢既餐厅食饭啦。佢仲话怕好远唔就我，其实有地铁就去边都好方便。咁我就拣左系soho east近海边既呢间「埠」食饭。上网睇到见佢D串烧好似唔错，而且成个门面格局都几高级下。一行到Soho East，见到舖头后面上方有个大大个既牌写住西湾河码头，而家就明白点解佢叫做「埠」啦，因为系一个码头，有意思!另一样吸引我既就系佢门口有个牌写住「海藻盐使用店」，令到我对佢既串烧多一份期待。一入店内发现空间不算很大，只有大约20个座位，但都布置得舒适同不会太迫。由于有预约，我地被安排在窗边位置，可以望到维港，而且不时有船在旁边码头上落往返鲤鱼门，景观一流㖞!在窗外仲有几个露台位，如果要呼吸的朋友就可以拣坐出面了。晚上冇咩套餐，咁我地就散叫串烧啦，而且都有好多选择︰朋友都系钟意食鸡肉，所以分别叫左鸡软骨、鸡翼同紫苏梅子鸡腿肉。另外都点左牛舌、两串蔬菜类、沙津、饭团同芝士年糕等。落左单黎左饮品后就先上左个脆脆野菜沙津，份量唔算很大但都适合两个人浅尝，而且蔬菜好新鲜、个醋汁都调校得几好，酸酸地几开胃。之后店员就用烧烤台拎左几串串烧来，原来个台下面有D热石
一行到Soho East，见到舖头后面上方有个大大个既牌写住西湾河码头，而家就明白点解佢叫做「埠」啦，因为系一个码头，有意思!另一样吸引我既就系佢门口有个牌写住「海藻盐使用店」，令到我对佢既串烧多一份期待。
一入店内发现空间不算很大，只有大约20个座位，但都布置得舒适同不会太迫。由于有预约，我地被安排在窗边位置，可以望到维港，而且不时有船在旁边码头上落往返鲤鱼门，景观一流㖞!在窗外仲有几个露台位，如果要呼吸的朋友就可以拣坐出面了。
晚上冇咩套餐，咁我地就散叫串烧啦，而且都有好多选择︰朋友都系钟意食鸡肉，所以分别叫左鸡软骨、鸡翼同紫苏梅子鸡腿肉。另外都点左牛舌、两串蔬菜类、沙津、饭团同芝士年糕等。
落左单黎左饮品后就先上左个脆脆野菜沙津，份量唔算很大但都适合两个人浅尝，而且蔬菜好新鲜、个醋汁都调校得几好，酸酸地几开胃。
之后店员就用烧烤台拎左几串串烧来，原来个台下面有D热石，可以令串烧保持热度，而且咁样影相一流，有心思。先黎左个牛舌、鸡软骨同鸡翼，牛舌好香同埋肉质够嫩，只系用盐同黑椒调左少少味就生烧了，风味十足。鸡软骨同鸡翼都系只用盐去调味而且干烧，可能有人会觉得冇汁有D干，但我觉得咁先够风味! 同埋而家明白用呢个海藻盐同平时普通盐的分别，因为真系冇咁一味死咸，而且觉得D肉唔会畀盐腌到好实咁! 值得一赞系个紫苏梅子鸡腿肉，肉上面放满新鲜紫苏叶丝，肉面就搽左一层薄薄的梅子酱，令到肉既味有几个层次，而且肉够厚而弹，又有鲜味，果然值得做推介食品。
主食类我地叫得唔多，拣左个芝士年糕同松叶蟹肉饭团。两款都有块紫菜附上，芝士年糕的芝士咸咸地，糯米够软同香，好食! 不过份量有D细，哈哈，如果每一块大少少会更正! 饭团就系一个圆饼形状，饭团表面都有烤过，所以好香口 (不过同时都有D热气~)，蟹肉就主要放系其中一边，份量又系唔多不过好香同埋同饭好夹。
由于同朋友太好倾，所以慢慢食都食左两个钟，最尾大家share左个蕨饼就完结左呢餐。今晚食既份量唔算好多，但都好满足，因为食物质素同处理既手法都高明，加埋成个setting都好舒服，值得再返黎食。
张贴
