牛之鍋

营业中

休息中

冻冰冰最啱打边炉！呢间牛之锅本身火锅放题B餐 $278起，一人一锅可选不同汤底。宜家加$38就有风味烤鳗锅，虽则不能另选汤底打边炉，但任食烤鳗都几吸引。① 风味烤鳗火锅放题 + B套餐 $316首先上个烤鳗锅，好似平时食烤鱼咁，但就换左一块块鳗鱼，第一次咁食鳗鱼都几特别，唔会太浓味，好食。除左加鳗鱼，亦可以加入其他火锅配料，除左一般蔬菜以及鸡牛羊猪，仲有蚝，帆立贝，鲍鱼，鹅肠，鸭血，鸡子等好多选择。我觉得羊肩肉同五香鸡肉好食，小笼包打边炉都几特别，入面仲有汤汁，所以烚完夹起要小心。日式放题有刺身，寿司，烧物及炸物等，选择跟一般放题店差不多，食肉兽表示鸡皮饺子同台湾肠我Encore左两次。而最有惊喜是这个放题有很多甜品选择，除了芭菲，杨枝甘露，还有几款榴梿甜品！虽则榴梿肉系得少少，但都可以过下瘾。另外个法式焦糖炖蛋都好食。