影片
更多
2014-10-13
1282 浏览
最近熊猫真系好 Hot, 继之前熊猫展览, 我去整纸糊熊猫, 今次仲要将熊猫食落肚添呀~回顾我的PaperMachePanda ➞ http://goo.gl/l2AOGz近排见好多同事都 Post 左熊猫饭既相出黎, 原来就系响我公司附近! 咁近㖞, 梗系要黎拜访一下熊猫啦 (之后仲可以去759阿信屋逛番两个圈先返公司 ) ~红丸甜品 位于鲗鱼涌英皇道, 要行入条行仔度先见到, 所以平时都唔会路过见到!店舖唔大, 属于细! 大概有16个坐位左右, 不过感觉就好舒服~一坐低就会比两杯水, 系木制既杯啊, 好raw啊~~ 因为午饭既关系, 只供应 A B C D E 餐! 除左 A 餐熊猫咖哩饭之外, 其余都系 Light Food! 而价钱方面都同同区既差不多!黎呢度就系想食熊猫之嘛, 熊猫咖哩饭 又点可以唔叫呢~再一次证明「好睇唔好食」呢个至理明言!熊猫饭系林badbad饭; 而咖哩系日式咖哩砖既味道 (唔辣), 再加少少鸡肉! 若果饭加少少味道会更好, 因为一碗普通白饭都好味过呢几粒被搓圆揿扁既饭! 而咖哩呢, 酱汁较淡味...另外叫左日式烟三文鱼冷面!好似一个日式便当啊!!! 令
最近熊猫真系好 Hot, 继之前熊猫展览, 我去整纸糊熊猫, 今次仲要将熊猫食落肚添呀~
回顾我的PaperMachePanda ➞ http://goo.gl/l2AOGz
近排见好多同事都 Post 左熊猫饭既相出黎, 原来就系响我公司附近! 咁近㖞, 梗系要黎拜访一下熊猫啦 (之后仲可以去759阿信屋逛番两个圈先返公司 ) ~红丸甜品 位于鲗鱼涌英皇道, 要行入条行仔度先见到, 所以平时都唔会路过见到!
店舖唔大, 属于细! 大概有16个坐位左右, 不过感觉就好舒服~一坐低就会比两杯水, 系木制既杯啊, 好raw啊~~
因为午饭既关系, 只供应 A B C D E 餐! 除左 A 餐熊猫咖哩饭之外, 其余都系 Light Food! 而价钱方面都同同区既差不多!
黎呢度就系想食熊猫之嘛, 熊猫咖哩饭 又点可以唔叫呢~
再一次证明「好睇唔好食」呢个至理明言!熊猫饭系林badbad饭; 而咖哩系日式咖哩砖既味道 (唔辣), 再加少少鸡肉! 若果饭加少少味道会更好, 因为一碗普通白饭都好味过呢几粒被搓圆揿扁既饭! 而咖哩呢, 酱汁较淡味...
另外叫左日式烟三文鱼冷面!
好似一个日式便当啊!!! 令我谂起卡通片小丸子要带饭返学既便当! 日式烟三文鱼冷面, 哈~无技术可言! 冷面配上冷面汁; 烟三文鱼又系一早买返黎; 而田园沙律就系配上芝麻酱, 呢个唔会唔好味^^ 但就无惊喜!饭后附送甜品, 红豆布丁 (有几款可以拣, 好似仲有果冻)!
呢个好味, 唔太甜亦唔会太浓奶味! 似红豆糕, 只不过盛装器皿系牛奶布丁樽者~
红丸甜品 主打应该系甜品, 不过我食午餐, 所以无太为意其他食品! 但午餐套餐质素有待改善, 卖相系几吸引, 但食物就一般了, 而且 portion 偏细呢... 下次再黎既话会试其他甜品好了~红丸甜品 位于鲗鱼涌英皇道901号英丽阁地下B1号舖 (见到759阿信屋就转入去就系架啦~)
张贴
