影片
更多
2023-06-08
367 浏览
事源今日约左2个好耐冇见既朋友出铜锣湾食烧肉放题见到openrice好多好评，谂住应该都可以试得过啦咁我就book左8点钟，去到就拣咗一个＄336既餐 - 澳洲和牛放题，同埋加左几十蚊要埋刺身放题，总之埋单每人计晒所有嘢＄400/位先讲左食评入到去我第一个感觉系好大烟，因为间铺坐得30%左右客，但系啲烟大到好似冇吸过咁，你话人多我都算啦，得个10台都冇既客可以成间铺都系烟坐低之后一路食都冇咩问题，食物质素好普通，某几款肉都几好食，不过普遍黎讲我觉得唔值呢个价既，但系谂住黄店都冇咩所谓啦，贵出面小小我都接受到中间换左一次网，个条女都唔系好想换咁，换网拎走个下系我eye level飞过我都呆左呆，但系都体谅既可能做左好多个钟个人好攰，我同自己讲都唔紧要既，小事！去到10点，有个男店员就走埋黎同我地讲仲有几分钟就够钟，佢既态度我自问食左咁多年放题烧肉打边炉，真系从来都冇遇过，对话系咁我：男店员：：先生你地仲有几分钟就够钟喇㖞，不过我睇你地都食唔哂架啦，见你地都浪费左好多食物，而家要按返重量收费（呆左）：eh.唔好意思啊，其实都剩左唔系好多，可唔可以比我地食埋佢？：紧系唔得啦，你地够钟架喇，最
事源今日约左2个好耐冇见既朋友出铜锣湾食烧肉放题
见到openrice好多好评，谂住应该都可以试得过啦
咁我就book左8点钟，去到就拣咗一个＄336既餐 - 澳洲和牛放题，同埋加左几十蚊要埋刺身放题，总之埋单每人计晒所有嘢＄400/位
先讲左食评
入到去我第一个感觉系好大烟，因为间铺坐得30%左右客，但系啲烟大到好似冇吸过咁，你话人多我都算啦，得个10台都冇既客可以成间铺都系烟
坐低之后一路食都冇咩问题，食物质素好普通，某几款肉都几好食，不过普遍黎讲我觉得唔值呢个价既，但系谂住黄店都冇咩所谓啦，贵出面小小我都接受到
中间换左一次网，个条女都唔系好想换咁，换网拎走个下系我eye level飞过我都呆左呆，但系都体谅既可能做左好多个钟个人好攰，我同自己讲都唔紧要既，小事！
去到10点，有个男店员就走埋黎同我地讲仲有几分钟就够钟，佢既态度我自问食左咁多年放题烧肉打边炉，真系从来都冇遇过，对话系咁
我：男店员：
：先生你地仲有几分钟就够钟喇㖞，不过我睇你地都食唔哂架啦，见你地都浪费左好多食物，而家要按返重量收费
（呆左）：eh.唔好意思啊，其实都剩左唔系好多，可唔可以比我地食埋佢？
：紧系唔得啦，你地够钟架喇，最后几分钟你咪睇下食得几多啰，总之剩左个啲就要收钱啦
：咁……好丫，一阵食剩个啲可唔可以比我打包拎走？
：冇问题，到时我磅完再打包比你拎返走
⋯几分钟后
：先生你都食唔哂架啦，我帮你拎入去磅返几重先
：好…••唔该
…又几分钟后
：帮你打包好喇，呢度＄200
：下？呢十几旧肉＄200？都几贵㖞
：你浪费食物丫嘛
咁我哋到底系唔系真系食剩好多野呢？
我唔知你地点谂，不过3条仔黎讲呢度系末食哂既肉，因为佢个炉都烧得几慢，所以最后last order都叫返多左，同埋冇谂过一到120分钟就即刻唔比你烧，所以就剩左呢个份量
讲真＄200买几包烟都冇左，可能有人会话呢个系餐厅既规矩黎，不过讲真我食过咁多间放题黎讲，当然都唔少一够钟就会赶客走，我明佢地要赶收工，不过咁样收我＄200话食唔哂所以要比钱就真系第一次，如果仲有人去食真系要小心，一到120分钟即刻唔比你烧再同你
计钱
多数成班仔去食呢啲放题都一定疯狂咁叫最后一定食剩野，我呢个份量已经要＄200，平时都唔知其他人会比佢罚几钱
同埋佢个外卖系是旦包一包就算，我拎到返屋企成个袋都系血水，啲保鲜纸根本右包晒成盒肉，求其打个圈就算，咁样屈我＄200条气真系谷住谷住
仲要扔左张$200既单系个外卖袋度
如果仲要食呢间熊本烧肉既话千祈唔好食剩任何野，同埋千祈唔好一班仔去食因为99%会食剩，到时随时千几二千蚊埋单
张贴