船長意法日餐廳 (已結業)

较早前经过见到船长意法日餐厅刚装修完，夜晚改左做打边炉，于是同老公黎试试。新装修比以前光猛干净，座位舒适，而且甚有韩国烧肉餐厅感觉。我地拣左$178上级美国肥牛🐂，可以任食豚肉，鸡肉同美国肥牛。汤底种类都有唔同口味，一般嘅皮蛋芫荽汤，麻辣汤，沙嗲汤当然唔少得，特别d嘅有豆乳汤，花胶鸡汤同特级麻辣猪肚汤，最后我地拣左寿喜烧。落完order后，我地就出去睇下有咩好野食。熟食选择都几多，有汤，沙律，炸物（炸鸡翼好食，脆卜卜的），猪手，双菇西兰花等等，其中豉椒炒蚬好有镬气，味浓但唔会太咸，辣辣地好惹味。丸物，蔬菜同海鲜都可以自己夹。蔬菜好新鲜，粟米唔会干争争。丸物除左常见嘅牛丸，鱼蛋，墨鱼丸之外，仲有新出嘅冬荫功虾球同姜心皮蛋贡丸，冬荫功味道突出，唔会太辣，不过唔系好食得出系虾丸。姜心皮蛋贡丸就好似食紧子姜皮蛋，有姜嘅香味但唔辣，好好食😋自助调味区饮品种类以汽水为主，亦可自己冲茶。唔驶五分钟，返埋位已经发现汤底同所有嘅肉类已经到齐。头四盘当然系好靓，预料之内。但冇谂过encore嘅都好正，雪花嘅纹路好靓，油脂分布非常之平均，轻轻烫一烫，入口嫩滑有牛味，唔洗点豉油已经好好味，质素相当有水准。豚肉