檀島咖啡餅店 (軒尼詩道)

营业中

休息中

今日同朋友打算系湾仔求其揾间茶餐厅食午饭，檀岛咖啡饼店系Openice第一个搜寻结果，最后选择左檀岛咖啡饼店。餐厅贴左好多电影剧照同海报，原来电影「月满轩尼诗」系餐厅既卡位取景，唔知系咪我坐紧既卡位呢🤣- 夹心西多士夹心馅可以选择咖央、朱古力同花生酱。西多士炸到金黄色，外脆内软，一切开咖央酱就流晒出嚟🤤，味道无花生酱咁油腻。- 蛋挞蛋挞酥皮好松化，蛋香滑溜，整体甜度适中。- 沙嗲牛肉煎蛋捞丁面配红豆冰沙嗲酱好惹味，味道有少少咸，但捞埋蛋黄中和返。入面有花生碎增加口感。出前一丁煮得啱啱好，唔会话好稔。牛肉唔算好软稔，但胜在份量够多。至于红豆冰好大杯，红豆都几淋身，味道唔算太甜。