真心泰國菜館 (已結業)

第一次黎呢度食0既野系猪扒河，0个时系下午4点几，得我一个人客，反而服务员就有3个，个个都著住泰国0既民俗衫裤，听口音都似系泰国人呢~0系充满泰国色彩0既歌曲播放下，等左10分钟都未上，已经令我觉得好耐，我谂d服务员都见到我个唔耐烦样，其中一个行埋黎话：「小姐，唔好意思，因为d野都系新鲜煮架，要等多一阵。」我心谂，如果满座0既话，咪等到发毛，噢不过见佢地都好有礼貌，而我又唔赶时间，就静心等一等……终于总共20分钟后，我的猪扒汤河黎喇﹗一闻，真系好香架﹗一食，d猪扒外层脆脆地，入面d肉质就好快融化于口里面，感觉好得意，而最特别0既系呢种猪扒用0既香料系未试过0既，甜甜地，好开胃，河粉每条都好长，唔似出面好多舖头用匙更好过用筷子黎食0既碎湿湿河粉，呢样要赞，都不枉我等左咁耐，我谂煮0个位都真系用心去煮0既~所以之后都有再去，而我依然都有叫猪拱河，张相就系再去时影0既，朋友都话味道几特别，但呢度0既效率真系要改善一下。