Sunprime Cafe (已結業)

听到朋友食过呢间工厦入面的餐厅的菜式都几特别都摆盘好靓，所以决定到光顾下！虽然系工厂但唔难揾，餐厅内的气氛都好好。员工好亲切，会推介一D有什么著名菜。今次叫了一客烧猪鞍同鸡肉意大利饭。晚市套餐会有沙律，主菜，饮品。上枱时，真系SURPRISE到，因为个摆盘真系好靓而且有心思。猪鞍已经切好一片片，加上玩上配菜真系好似艺术品咁。我少系出面餐厅食猪的菜式，因为猪一OVER COOK 好容易”UN”，今次烧猪鞍不但唔”UN”，仲要烧得好香。鸡肉意大利饭好得意，系将意大利饭炒好后酿入鸡肉，将平平无奇的鸡肉意大利饭变成一道有睇头的菜式。一个个炸球入面都系意大利饭，好搞笑。最后我叫左个栗子法式PANCAKE,PANCAKE 同出面果D好唔同，因为呢到既PANCAKE 系好似纸皮咁，硬硬地，唔系淋架。食落去加埋雪糕，栗子粒同焦糖又有一番风味。个人觉得，间餐厅好有心思去服务客人，食物亦好出色。希望能够继续做落去。