影片
更多
2009-10-31
145 浏览
寻日(30-10-09 Fri)放工后,约男友出去佢推介一间牛脷好好食o既餐厅食饭,就系呢间.我o地大约o系6:45pm到达,卡位方面剩返两张,侍应叔叔叫我o地坐最入面o个张.我o地叫个$315.00o既招牌二人套餐.list o左好多o野出o黎,但其实系三类o野,每样o野拣一款,第一样系海龙皇汤同鲜虾沙律拣其中一样.第二样系瑞士鸡翼(6只),烧乳鸽(1只)或烚咸牛脷(3片)拣一样.最后系干炒牛河,瑞士汁炒牛河或烧猪髀饭拣一样.最后有甜品同餐茶.我o地拣o左烚咸牛脷(3片)同烧猪髀饭,落单后,侍应叔叔问我o地要汤嘛?我问有咩汤?(其实我冇为意第一样o野)佢话海龙皇汤,我未睇清楚佢就帮我出主意话汤.好快,两个餐包到o黎,我同男友都食唔等汤,餐包暖暖的,外皮脆口,令平凡o既餐包显得不平凡.味道: 4分食完后,我o地谂系咪可以食同样出名o既梳乎厘?因为其实我o地只系食两样o野呢.男友话系叫就早啲叫,因制作须时,啊,咁叫啦.等o左一阵, 海龙皇汤o黎喇,都几满几多料㖞,有鲜虾肉同鱼块,汤都几浓同好热,饮得到龙虾味,男友开头嫌佢淡,但饮完就觉得o岩o岩好.味道: 4.8分未饮晒啲汤,烧猪髀饭就到
我o地大约o系6:45pm到达,卡位方面剩返两张,侍应叔叔叫我o地坐最入面o个张.
我o地叫个$315.00o既招牌二人套餐.list o左好多o野出o黎,但其实系三类o野,每样o野拣一款,第一样系海龙皇汤同鲜虾沙律拣其中一样.
第二样系瑞士鸡翼(6只),烧乳鸽(1只)或烚咸牛脷(3片)拣一样.
最后系干炒牛河,瑞士汁炒牛河或烧猪髀饭拣一样.
最后有甜品同餐茶.
我o地拣o左烚咸牛脷(3片)同烧猪髀饭,落单后,侍应叔叔问我o地要汤嘛?我问有咩汤?(其实我冇为意第一样o野)佢话海龙皇汤,我未睇清楚佢就帮我出主意话汤.
好快,两个餐包到o黎,我同男友都食唔等汤,餐包暖暖的,外皮脆口,令平凡o既餐包显得不平凡.
味道: 4分
食完后,我o地谂系咪可以食同样出名o既梳乎厘?因为其实我o地只系食两样o野呢.男友话系叫就早啲叫,因制作须时,啊,咁叫啦.
等o左一阵, 海龙皇汤o黎喇,都几满几多料㖞,有鲜虾肉同鱼块,汤都几浓同好热,饮得到龙虾味,男友开头嫌佢淡,但饮完就觉得o岩o岩好.
味道: 4.8分
未饮晒啲汤,烧猪髀饭就到o黎,原来唔系一大只猪髀上,而系一片片薄切猪髀,我先食喇,薄猪髀淋上瑞士汁,食落,瑞士汁咸甜适中,可惜o既系薄切猪髀,太薄喇,冇口感,觉得好冇瘾,但佢系唔肥o既猪髀肉,所以唔太漏.而饭呢,我只食少少,因为要留肚食天使蛋糕咁大o既梳乎厘嘛.
味道: 3分
食食吓,烚咸牛脷都到o黎喇,牛脷几厚,有1cm o度啦,男友话觉得系牛脷扒.食落,牛肉味好浓,好有口感,亦真系咸咸的.男友叫佢畀芥末,我又试吓先,蘸啲只有香味而唔辣o既芥末食,中和o左咸味,原来系好食啲.
味道: 4.5分
之后到甜品,畀男友估中,真系西饼一件,件西饼仍然系传统o个种,忌廉好油好滑,亦好甜,而蛋糕就松松地,OK o既.
味道: 3分
餐饮,我叫o左冻柠水,男友要冻柠茶.我觉得我杯o野饮甜o左啲.
我o地食晒o野,就系咁等梳乎厘,等呀等,等呀等,出面有好多人等位,事实上7:00pm开始已经有人等位啦,好彩我o地好早o黎到咋.
到7:30pm左右,一个个o既梳乎厘出炉喇,真系大到不得了.第一个出炉o既唔系我o地,第二个出炉时,我听到侍应叔叔讲呢个先畀XX号枱,因为原本o个张枱o既客人重食o紧唔知咩.个侍应叔叔就捧呢个过o黎,原来系让o左畀我o地先.
哗!又大个又香呀!但焗过龙,呢个有啲㶶.我影o左相食喇,原来呢个要趁热食o架,否则外皮淋o左就唔好食,内里o既梳乎厘就好似泡泡咁,入口即’溶’呢,好似食o紧鸡蛋泡泡.
而食到底,男友发现一啲开似变成蛋糕状o既梳乎厘,呢个真系焗过龙lu,系咪失o左手呢?
味道: 4分
食完埋单,价钱系$454.00. 咁贵o既?我睇吓单,原来个梳乎厘要$98.00,好贵㖞.
环境:
仍保留70年代o既装修,几十年冇变.卡位坐得好舒服呢.
服务:
全部都系五,六十岁o既叔叔,o系老牌餐厅o黎讲,服务都算好o架喇.
张贴
