十三少酸菜魚 (已結業)

好似好耐冇食过酸菜鱼咁，谂起之前喺呢度试过印象中系几好味，所以带埋🐢🍯过嚟试吓。我哋两个人今日都好肚饿，所以嗌左个劲量版。佢个碗真系超级大，仲大过个洗面盆。鱼片都好多块，块块都大大片， 又够晒滑，不枉我咁远水路过到嚟。而佢啲酸菜都唔错，唔会太咸，酸度都啱啱好，仲要好多都大大块嘅添。入边唔使加钱已经包咗我最喜欢嘅莴笋，啲莴笋都好爽口，食落沾满汤，酸酸地咁，好开胃。最难得嘅系佢呢度啲汤都饮得嘅，酸辣得来仲有鱼嘅鲜甜味，未开始食鱼都饮咗一碗汤先。另外我哋仲加咗佢个口水鸡，佢呢度嘅口水鸡唔会好辣，但系啲鸡就好嫩滑，而且仲见到佢皮同肉之间有一层啫喱，听讲𠮶啲系骨胶原嚟嘅，都几好食㗎。呢个价钱虽然贵咗少少，但系喺香港食到咁嘅味道都好难得。