Luna Bar & Restaurant

营业中

休息中

呢间餐厅嘅泰式料理几好食♡ 系一个值得同朋友一路enjoy嘢食一路倾下计嘅地方。佢位于K11隔离，环境算高贵整齐，服务唔错，食物质素仲几高添。上网一check，发现原来佢系最近开嘅新餐厅嚟，主厨仲要由泰国当地嘅五星级酒店担任，唔怪之得味道咁正咁正宗！✎ 泰式生虾材料有辣椒、蒜同埋苦瓜片，苦瓜同埋蒜都好新鲜爽口；苦瓜尤其清甜同埋质感厚实；生虾清甜鲜味，捞埋偏辣嘅酱汁一齐食，既刺激又鲜甜。✎ 泰式串烧 分别有鸡肉、牛肉、猪肉，各两串。牛肉有咬口，唔会过烟靭，普遍软嫩，肉味非常出；鸡肉入面肉质红嫩，唔干；猪肉同样嫩滑口感，充满香烤味！另外有两个酱料 甜甜地嘅沙嗲酱同埋开胃嘅酸辣酱，点黎食真系好好味´ε`✎ 泰式青咖哩牛肉配1客蒜蓉包 青咖喱质感浓稠，带有浓浓椰奶香味。入面配料有牛肉、茄子、红椒、四季豆；牛肉幼嫩，唔烟韧；茄子鲜甜多汁；红椒同埋四季豆非常爽口。整体味道出色，捞饭一流！而蒜蓉包质素都唔错，一边涂满蒜蓉，入口劲重蒜蓉味，亦烤到好脆口，另一边就相对软腍。✎ 泰式龙眼冰甘甜冰冻，龙眼肉新鲜～✎ 鲜菠萝沙冰新鲜菠萝味，微酸。