道頓堀御好燒專門店 (K11購物藝術館) (已結業)

呢间卖点系落手落脚整的大阪烧、御好烧、广岛烧、文字烧，款款都有，种类好多，感觉很正宗。讲真食之前都唔知各款有咩分别，研究餐牌都搞左好耐，到野食黎到，落手落脚去煮，但因为点左唔同款式，大阪烧、御好烧、广岛烧、文字烧的煮法都有唔同，佢有详细说明书解释，睇都好花时间。本身煮O个part系最好玩，可惜得O个1.5小时，点完餐、睇晒说明得黎，得返好少时间，要拿拿林煮同食，讲真实在唔太enjoy到，可惜。食物方面，广岛烧同大阪烧味道好好，仲有好多调味料如紫菜粉、酱油俾你加。但另外单点的鸡肉就有少少「鞋」。呢间野成日都好爆，妹试过两次黎都因为等太耐而等唔到。而今之，我地特登倒塔咁早5:30pm去到，因为想同妈妈食生日饭，结果佢真系俾我地即入，但5人坐4人枱，劲逼（食材好大份，根本放唔晒），加上只限1.5小时，食到赶头赶命又坐得唔舒服。