影片
更多
2011-08-27
25 浏览
呢日一班人嚟到旺角, 于兆万中心芸芸食肆中拣咗呢间. 我地无订位, 6个人等咗大约45分钟先有得入去. 入去见到呢间和味馆都几逼狭下, 中间条通道好窄, D枱同凳摆得又密. 本来已经坐得唔太舒服, 之后侍应仲驳长咗隔离枱, 加咗两个位俾其他客人, 搞到我同佢地几乎全程膊撞膊. 虽然环境都几干净企理, 但就点都称唔上舒适, 呢方面要扣下分.好, 讲番食物, 2个钟任食, 我地叫咗:鱼生: 都系例牌三文吞拿果D, 质素俾我预期中好少少, 起码新鲜度OK, 无雪味. 三文鱼几肥美, 其他既就平平无奇. 甜虾/火灸帆立贝寿司: 呢两样都唔错. 甜虾够鲜甜, 火灸帆立贝切得薄咗D, 但货系新鲜既, 食得出帆立贝既鲜香.三文鱼/立鱼/北寄贝寿司: 呢碟就唔多掂. D鱼生干争争到好似整好后吹足两个钟西北风咁--事实上以呢间铺既忙碌程度嚟睇, 预先做好绝对唔出奇. 好在我地6个人食后都安然无恙, 旧寿司饭都握得可以, 未至于一挟即散.鳗鱼/赤贝寿司: 鳗鱼咪大路鳗鱼味啰, 赤贝就无任何鲜味, 得个爽爽韧韧既口感.冬荫公: 唔系我地叫, 系侍应哥哥神不知鬼不觉o系我手肘位队上嚟既. 既然队到上嚟我地咪饮
好, 讲番食物, 2个钟任食, 我地叫咗:
鱼生: 都系例牌三文吞拿果D, 质素俾我预期中好少少, 起码新鲜度OK, 无雪味. 三文鱼几肥美, 其他既就平平无奇. 甜虾/火灸帆立贝寿司: 呢两样都唔错. 甜虾够鲜甜, 火灸帆立贝切得薄咗D, 但货系新鲜既, 食得出帆立贝既鲜香.
三文鱼/立鱼/北寄贝寿司: 呢碟就唔多掂. D鱼生干争争到好似整好后吹足两个钟西北风咁--事实上以呢间铺既忙碌程度嚟睇, 预先做好绝对唔出奇. 好在我地6个人食后都安然无恙, 旧寿司饭都握得可以, 未至于一挟即散.
鳗鱼/赤贝寿司: 鳗鱼咪大路鳗鱼味啰, 赤贝就无任何鲜味, 得个爽爽韧韧既口感.冬荫公: 唔系我地叫, 系侍应哥哥神不知鬼不觉o系我手肘位队上嚟既. 既然队到上嚟我地咪饮啰. 碗汤味道单薄, 只有酸味同辣味. 里面为数唔多既汤料似乎同碗汤完全无关. 你试下将醋&辣椒油捞埋再沟水, 睇下会好味得去边?
清酒煮蚬: 呢个有惊喜, 好好味. 蚬唔算大亦唔算肥, 但好鬼鲜甜下, 质感又creamy. 酒味就嗒唔到又闻唔到, 都唔知有无落.烧物: 所有烧物都够热, 热到烫嘴, 热辣辣既食物点都比较滋味既. 多春鱼唔腥, 烧得亦唔太干. 鸡串烧亦一样, 唔干, 入面仲有少少juicy. 豚肉串烧就较为诡异, D肉腌到无晒猪肉味, 都唔知自己食紧乜.
泰国咸鱼炒芥兰&马拉盏炒通菜: 又系惊喜之作, 估唔到呢度都有镬气呢囘事. 尤其后者, 里面仲混有一粒粒细小既虾米一齐炒, 令碟菜更惹味同有唔同既口感. 但可惜我地满意得太早, 之后追加既几碟, 咸鱼同马拉盏味越来越淡, 最后果碟通菜直情完全无落马拉盏--唔通马拉盏用晒?
仲有就系呢度成日漏单, 无论要咩食物, 剔三碟只系嚟一碟, 甚至嚟都唔嚟--除咗饱肚既寿司, 呢样就嚟得又快又足.
越式蒸粉卷: 层粉皮蒸到霉霉烂烂, 一摆入口就自动溶化成浆糊, 谂起都唔多开胃.炸物: 食咗泰式炸虾饼同鱼饼. 两者都够新鲜滚热辣, 炸得脆口非常又唔油腻. 虾饼质感弹牙, 都有D虾鲜味. 而鱼饼就非常辣, 嗒极都嗒唔出鱼味, 都唔知用咗咩肉去做, 食到大家混混噩噩.
甜品试咗蕉叶西米糕(敢问蕉叶何在?), 请注意件糕质地非常稀, 所以要用匙羹笔嚟食. 味道都几好, 椰汁香浓又唔太甜. 仲有杯装雪糕, 呢样唔需要多介绍喇.饮品方面有茶, 荔枝, 巨峰特饮等, 啤酒只有Blue Ice. 荔枝特饮够冻, 清清地几好饮. 遗憾既系正如上面所讲, 漏单系呢间店既传统, 当我饮完第一杯drink后想再加, 我有我不停递纸, 佢有佢一直当我无到, 结果由头到尾我只系饮咗一杯饮品.
食到接近尾声, 到够个半钟会有人提你last order, 一踏正两个钟就有人自动拎张单俾你, 又系侍应哥哥无声无息咁o系我手肘位摄张单上嚟. 好似倚天屠龙记个冷谦咁, 一个字废话都唔讲, 摄完随即飘然远去. 如果佢地能够讲番句:"唔好意思, 你地够钟喇, 可唔可以埋咗张单先?" 咁做客人既会觉得比较受尊重啰. 有时见佢地忙到踢晒脚都知唔可以太苛求, 但讲多句说话又唔阻得你地几耐, 希望佢地能够注意下.
其实嚟得食呢类放题, 都会自动自觉将标准降低, 所以我觉得呢间店又未算太差, overall嚟讲都值一个OK既. 嘻嘻哈哈又同朋友过一晚, 都几好玩, 翻兜就无乜兴趣喇.
张贴
