影片
更多
2023-02-19
2192 浏览
日本菜一向都钟意食，但晌日本餐厅中，真喺唔知点解，日式放题确喺比较少食，对上一次已经喺2018年4月嘅事。最近，老友推介呢间日式放题店「极尚大喜屋」，话性价比高，菜式有唔少卖点，小弟就未帮衬过，咁就啱啦，两个死佬一于约埋食餐好嘅，加上佢好有食力，咁样我哋就可以试到多啲嘢。 餐厅位处「雅兰中心」，所以，交通非常方便，不过，佢唔喺搭扶手电梯上去，而喺晌另一边搭电梯真达，一出电梯，人多到呢……，但入到里面，原来地方喺估唔到咁大，有实力即喺有实力，只喺一般闲日，全场爆满，而食完都成9:00pm，仲喺好多人等入座。 里面装修精致，环境整洁光猛，目测所见，大多数都喺4、6人卡位，而我觉得卡位都好坐啲，宽敞舒服，因为跟前后左右嘅间隔都比较好，就算唔喺疫情，感觉都好好多。 用餐环境讲咗，咁就介绍吓自助食物区，就晌入门口左边，地方都好大，通道阔落，唔怕人撞人。扫视一番，包括有4款热盘、炸物、中西汤品、冷盘嘢、生果、甜品、雪糕雪条、一大柜多到数唔到嘅饮品，花多眼乱，非常多元化，睇相你都见，照顾到唔同年纪层嘅人。除咗出面自助食物区之外，可以点嘅食物分类有刺身、创作刺身、寿司、创作寿司、火炙寿司、卷物、军舰、
餐厅位处「雅兰中心」，所以，交通非常方便，不过，佢唔喺搭扶手电梯上去，而喺晌另一边搭电梯真达，一出电梯，人多到呢……，但入到里面，原来地方喺估唔到咁大，有实力即喺有实力，只喺一般闲日，全场爆满，而食完都成9:00pm，仲喺好多人等入座。
里面装修精致，环境整洁光猛，目测所见，大多数都喺4、6人卡位，而我觉得卡位都好坐啲，宽敞舒服，因为跟前后左右嘅间隔都比较好，就算唔喺疫情，感觉都好好多。
用餐环境讲咗，咁就介绍吓自助食物区，就晌入门口左边，地方都好大，通道阔落，唔怕人撞人。扫视一番，包括有4款热盘、炸物、中西汤品、冷盘嘢、生果、甜品、雪糕雪条、一大柜多到数唔到嘅饮品，花多眼乱，非常多元化，睇相你都见，照顾到唔同年纪层嘅人。
除咗出面自助食物区之外，可以点嘅食物分类有刺身、创作刺身、寿司、创作寿司、火炙寿司、卷物、军舰、炸物、天妇罗、一品料理、烧物、串烧、煮物……等等，相信计埋晒有超过百款食物。值得一提，晌创作寿司、一品料理、烧物呢几类，真喺有啲开心大发现，例如：黑松露带子拖罗蓉塔、鹅肝火炙寿司、金汤慢煮吉品干鲍花胶盛、鲜百合上汤烩大虾球、烧香草羊鞍、川式珍宝鲜蚝烧……，睇见都流口水，吉品干鲍仲喺任点，相信放题店都喺全港首间。而价钱方面，自行睇睇单张，一清二楚！
以前嘅日式放题就梗喺有一大堆点菜纸放晒晌枱面，依家就大多数变成二维码落单，一来减省人手，亦减少人为出错，二来点咗乜可以睇番，一清二楚少咗啲争拗，不过，嚟错咗、嚟漏咗、嚟少咗总会有，都预咗，但今晚嘅情况都唔多㖞。更值得一赞嘅喺，二维码落单唔会有咩限制，无话每次限点几多，当然，做个文明嘅食客，唔好点过笼乱嘥嘢，此外，啲量词好清楚，唔会点错啲份量！
不过，记得限时喺2个钟，截单时间喺交枱前30分钟，无论二维码落单纸，抑或上到手机落单界面，都有清楚显示。所以，我哋头1.5小时主要食二维码落单嘢，剩番30分钟，就主攻自助区食物，尤其甜品！
饮品喺自助食物推影完相，第一件事就喺顺手攞埋嘢饮，好多罐装汽水、果汁，解一解渴斟咗杯芒果汁，另外见有「珍珠奶茶」㖞，又拎一杯试下，估唔到又几OK㖞。食到尾，贪得意，见佢有啲「自家制冷泡茶」，同朋友都攞咗一支试试，印像中好似有3款口味，小弟拣咗樽白桃乌龙，味道清清淡淡，感觉清爽。
热盘坐低第一时间就用二维码落单，点选心水美食，但旺场成咁，啲嘢食都唔会咁快到，所以，就晌自助食物区拎咗两款热食，过口瘾，包括「鲍汁猪手」、「酸菜鱼」。前者猪手炆得好腍，入晒味，骨胶原强劲；后者鱼肉非常之嫩滑，喺略嫌酸味唔够强，只喺渗出少少辣味而已。
刺身拼盘食放题，唔易饱肚又较回本，唔使多讲都喺刺身啦，10多款就拣啲少食、又贵价啲，包括松叶蟹脚、剑鱼腩、北海道鲜带子、赤贝、马刀贝、荣螺、极品大赤虾，师傅更摆得好靓仔，更以冰镇住，绝不马虎。整体食落质素唔错，鱼生鲜味十足，贝类又具咬口，只极品大赤虾真喺一流，值回票价，若非仲有咁多嘢食，真喺想翻兜多一客。
刺身拼盘
45 浏览
0 赞好
0 留言
创作刺身讲明想食到回本，自不然拣「泰式虎虾」啦，亦即喺平常所食嘅泰式生虾，就咁一客，如果以8只计，出面啲泰菜馆都卖成嚿水架。泰式生虾最紧要趁冻食，夹片生蒜片，沾少少秘制泰式辣酱，虾肉鲜甜爽口，泰酱辣得嚟有点点青柠香，刺激开胃。
泰式虎虾
31 浏览
0 赞好
0 留言
老实讲，食自助餐、放题，真喺绝少食寿司，因为太易饱肚唔划算，不过见佢哋啲寿司配搭真喺非常特别，所以，都喺咁二试咗几款，当喺见识见识。「黑松露带子拖罗蓉塔」、「牛油果酱伴松叶蟹肉寿司」卖相已好吸晴，配上多种食材，所以，味道与口感都非常丰富，后者嘅外层更用上班戟代替惯常嘅紫菜，真喺具创意，赞呀！
创作寿司
56 浏览
0 赞好
0 留言
呢个系列中，纯粹贪心，所以拣咗款「鹅肝寿司」，一样喺制作认真。饭团搓成球形并沾满白芝麻，而鹅肝都有成一大片，油润丰腴，绝无欺场，伴以少少葱葱、洋葱丝，平衡番啲油腻感，不得不赞其细心。
鹅肝寿司
110 浏览
0 赞好
0 留言
就算喺卷物，一样有啲特别选择，呢两款就喺小弟嘅心水：「黑松露蟹肉芝士软壳蟹卷」、「XO瑶柱蟹蒜牛肉卷」， 如果唔喺个食物名，真喺睇唔出两件卷物有咁多食材混合。虽然只喺放题食物之一，但一样做得外观吸引，无话求求其其，入口饭粒紧致，口感啱啱好，而且味道纷陈，的确无拣错。
卷物
35 浏览
0 赞好
0 留言
原先炸物呢一项无谂住叫，不过，竟然有炸榴梿 ，仲标明猫山王，朋友亦钟意食榴梿，真喺无理由唔嗌。「脆炸猫山王」卖相炸得金黄，咬落去外皮好烟糯，又唔黏牙，亦唔油，里面填满晒榴梿馅，好绵好滑，阵榴梿味我哋就觉得香啦，当然呢个香喺好相对嘅，哈哈！
脆炸猫山王
45 浏览
1 赞好
0 留言
一品料理轮到分享一品料理呢一环，呢一项真喺有好多心水嘢，以下就同大家分享一下。先讲讲可以话喺是晚重点：「金汤慢煮吉品干鲍鱼花胶盛」，唔喺流，有鲍鱼、花胶、花菇，一啲都无欺场，鲍鱼扣得入味，口感柔韧，一大片花胶好有睇头，花菇亦都好香，可以讲真材实料，烹煮得宜。
一品料理
26 浏览
0 赞好
0 留言
一品料理
29 浏览
0 赞好
0 留言
一品料理
89 浏览
0 赞好
0 留言
烧物烧物方面，亦都有两款心水都喺小弟是晚推介，唔食就走宝，先分享「烧香草羊鞍」，睇外观已经流口水，烧得一身炭火同油脂香，表面沾满香草，食落香味十足，啲羊肉真喺好软腍，阵阵羊膻香唔会太霸道，非常之好食，若非仲有咁多嘢食，真喺想添食多一次呀。
烧香草羊鞍
79 浏览
1 赞好
0 留言
川式珍宝鲜蚝烧
22 浏览
0 赞好
0 留言
煮物煮物都喺啲大堆头嘢，例如拉面呀、乌冬呀、锅物之类，不过，见到有两款细细份量嘅选择，就喺「蟹肉茶碗蒸」同「滋补花胶炖鲜奶」。前者真喺坚有一梳梳蟹肉，而且好鲜味，啲蒸蛋做得嫩滑，又够蛋香；后者炖鲜奶可以归为甜品类，而小弟就先试为快，面面有少少花胶，都算够诚意，啲炖蛋真喺好香滑，入口即滑落喉咙，而且好有奶香，比起啲炖奶专门店，一啲都唔失礼，故此，临尾朋友专登点一客嚟当甜品。
煮物
38 浏览
0 赞好
0 留言
天妇罗
食完晒以上所有食物，我哋见胃纳仲有一定空间， 趁截单前，点多一轮美食。就试试两款天妇罗，分别喺「皇帝蟹棒」、「温室南瓜」，首先
啲天妇罗炸浆够旧薄，咬落唔油腻，又好松脆，而蟹棒口感绝对唔喺沟粉货色，有少少弹牙感，南瓜都好正，好有南瓜香，又够晒粉甜。
串烧近尾声，都喺食吓生果、甜品之类，虽然晌自助区都有啲生果，但晌串烧类就有心爱嘅「烧温室甜菠萝」，烧菠萝既可以当生果，又可以当甜品，波罗烧一烧收收水，菠萝味更加浓郁，菠萝质素唔错，非常清甜。
烧温室甜菠萝
34 浏览
1 赞好
0 留言
真喺嚟到放题嘅尾声，去到甜品时间，即发挥另一个小宇宙，睇过小弟食评都知我真喺几钟意食甜品，睇见一枱都喺甜品就大满足。啲自家制小蛋糕做得唔错，尤其款黑朱古力蛋糕仔，朱古力味劲浓郁，又柔滑；雪条、雪糕方面，试咗一支榴梿、一支芒果、一杯Häagen-Dazs嘅咖啡味及一杯Da Dino黑芝麻味，有食开呢啲品牌嘅，都知质素有返咁上下；连台湾嘅芋圆、仙草都有，细细杯都食番客。最后，仲想试埋巨峰提子软雪糕架，但真喺饱到上心口，已经食唔落。
甜品
39 浏览
1 赞好
0 留言
张贴
