酷啡 (已改名) 查看

今日突然想入西贡行吓，去到见到呢间嘢，好似几多嘢食就入咗去。望下餐牌，见D嘢食同价钱都ok，最后同老婆叫咗两个set lunch，餐牌话有例汤、主菜，饮品就再加$8。等咗阵，上咗杯饮品，跟住就已经主菜，咁食咗阵再问侍应个例汤仲未嚟啦。点知个侍应竟然话：「依家我哋无做例汤，因为之前比客，D客都唔饮，所以依家冇例汤哪⋯」哗，我顶吖！如果冇例汤，咁你唔好写响餐牌啦！你写咗有但其实冇，咁即系点？！我即时O咗咀！况且你咁答，其实你哋D嘢系咪好唔得？！虽然只系一碗例汤，我哋都冇同佢理论，但你哋咁样做生意，真系叫人点会番转头？又，咩叫set lunch 呢？！