明星皇宮

营业中

休息中

最近天气冻冻地，我妈咪话唔想煮饭，所以夜晚就去左明星皇宫食饭。刚刚我地6个人，就叫左半围喜庆宴套餐。第一：琵琶乳猪拼盘。乳猪的皮脆卜卜，好好食。鸡件都滑滑的，但叉烧就普通。第二：芝士焗海虾伊面。虽然唔系龙虾，但原来用海虾煮都好match，不过，芝士酱就唔太浓郁，如果再多加一点点，就最好。第三：富贵花姿凤片。西兰花煮得有点硬，应该是刚刚熟。而鸡片有点咸，但花姿整体算是最好。第四：金银鸳鸯配我对炸物好一般，只知道炸虾会在放题好食d。第五：龙皇鱼肚烩翅感觉饮芡汁，幸好虾仁材料等都充足。第六：发财金钱鲍螺片冬菇好唔得，完全无味。第七：清蒸大海青班出奇地煮得好好食，鱼好滑。抵赞！第八：至尊烧鹅皇唔算太肥，拍得住海港水准。最后，腊味糯米饭。个人认为太少腊味，唔够香。再多d会更好。最最后，有个迷你寿包仔。岩晒食晒正餐，但又想食甜品的人。细细个，岩岩好。