Le Salon De Thé de Joël Robuchon (已搬遷) 新店位置

Easter假期前夕系Elements行到晚上七点几揾晚餐食，见呢间餐厅3个courses既dinner收$388加一就去试下，点知中伏。一坐低服务员话重有5分钟last order，一心以为防疫措施放寛下食肆收10点，自然反应讲左句“咁早“，跟手问太太宜家几点，服务员抢答“系呀，而家系7：55分”。上open rice望望，原来佢晚上9点收舖，但都吾驶咁冇礼貌吖。因为吾知其他餐厅系咪一样收咁早，费事揾过另一间，嗱嗱临落左order。头盘叫左龙虾沙律同牛油果沙律，味道ok但份量略嫌少。主菜香煎鲷鱼，个portion真系好少，两小块鲷鱼重要薄到好似纸咁。另一个主菜系蕃茄蚬肉意粉，味道普通，啲蚬重有沙添。最后上既甜品系朱古力mousse，成个晚餐得呢个系水准之作。食到8:40分，未叫埋单，服务员已急不及待递上账单，真系咁赶收工。成餐饭食到赶喉赶命，食物质素又吾系好，真系吾会再帮衬。