俺流塩らーめん (新都會廣場)

营业中

休息中

成班同事一齐出街做野, 刚好路过呢间拉面店, 择日不如撞日, 成队人贡入去试试啦 。平时繁忙时间呢间野好多人排队, 好彩个日大家迟左食LUNCH , 排左5分钟就有位嘞。我地一人一款拉面, 再加大量小食 , 务求可以一次过试多几款野啦。首先, 我要利申, 因为自己食野系比较重口味, 所以我只会点「熟成浓汤」的。第2样就系我食辣食开「10小辣」,辣既程度系得咁上下..... 讲返D 拉面先, 我点左一个「辛辣熟成浓汤拉面」, 对于「10小辣」的我呢, 基本上都叫做辣, 但食辣既野系边食边流鼻水先过瘾架嘛, 呢个辛辣拉面就满足到我嘞，个浓汤系值得一赞既，猪骨汤底奶白充满骨胶唔肥腻。食拉面最重要系个汤底，呢个汤完全有去左日本食面个种感觉。至于小食呢，味道不错，炸鸡呢Ｄ重口味既野系本人至爱，大阪烧饺子第一次食，又真系几特别，感觉不错。最后，好想特别推介系枱头个堆调味料，好多都未见过的，好新奇！口味既野见仁见智，不过「黑蒜蓉」同埋「柚子酱」都几特别几好味，食成碗可以有不同口味，其实都几好玩，我地几个同事不停地试下呢样个样，食完仲要饱到行返公司。