漁匠料理 (已結業)

老婆成日都叫我带佢食好嘢，又系时间食返个丰富嘅日本餐，为左食好西，又千山万水来到上水食返餐好！呢间都唔系第一次来食架啦，我觉得真系食物好有水准，服务又好。水牛爆珠雪糕特饮一个大大嘅雪糕球放在杯上, 下面就系冰凉嘅雪碧，加上最底层一粒粒细小嘅爆珠，上枱已经好吸引，牛奶雪糕好香，一粒粒爆珠入面都有糖水，好甜好好饮，已经算系一个甜品。原条鲜鱼刺身师傅刀功好犀利 砌出嚟嘅鱼片薄而通透，鱼肉嘅颜色鲜艳，可见得鱼肉非常新鲜，食啰去鱼肉爽口弹牙带有少少清甜嘅味道 还可以配上师傅特制嘅酱汁，食落去另有一番风味。蓝鳍吞拿鱼寿司盛师傅用吞拿鱼做出唔同款式嘅寿司，小卷物，军舰，寿司，火灼寿司，我自己最喜欢食火灼寿司 。用火轻轻在吞拿鱼面烧；入口嘅时候带有少少烧焦嘅味道 ，加上吞拿鱼非常新鲜，食落一啲腥味都冇，还有吞拿鱼独有嘅甜味，算系一流。叫左大虾天妇罗，师父将天妇罗排成一个小锥体, 双腿造型好特别，今次做嘅天妇罗做得唔错，天妇罗面层非常松脆 又唔会非常之厚，入边嘅虾食得出好新鲜，口感弹牙又唔会学梅烂烂咁，有水准！呢间用料新鲜，比个赞！