Wing’s Kitchen (已搬遷) 新店位置

唔明点解平日晚市全间餐厅只有两枱客，希望撑得住！但可以享受久违了的没有胶板间隔空间真系好正（因为隔离枱无客），餐厅环境唔错，微微昏暗，适合跟朋友畅谈欢聚。食物味道唔差，不过份量略少，所以四个人食完四个主食之后要加码叫多份小食。牛油果软壳蟹薄饼 软壳蟹系正既，不过牛油果味唔系好出。卡邦尼意大利面同黑松露什菌意大利面正正常常几creamy，但配料唔算多。法式红酒烩牛脷有三块厚切牛脷，唔会好韧，味道几好。另外有薯菜，如果唔系真系无饱腹感。最后唔系叫甜品，而系因为大家唔够饱叫左个小食，水牛城鸡翼，少少辣，几香口。「是日晚餐」有跟餐汤或沙律，以及饮品，但薄饼同牛脷系主餐牌散叫，所以散叫两杯冻饮，埋单人均$210。