永年士多港式車仔麵 (加拿分道)

营业中

休息中

今日突然之间想食车仔面，咁就去呢一间尖沙咀嘅永年士多啦，以前食过大碗面同埋四宝面，今天再食十宝大碗面，食车仔面其实就系贪佢多𩠌，所以食十宝大碗面，10个𩠌应该10分满足挂，今天又好鬼热， 所以叫杯红豆奶茶冰。排队排咗几分钟，今次坐低等叫number，比以前方便得多。我叫了微辣的汤底，叫了油面，我觉得油面浸耐啲都唔会淋咗。菜心系甜嘅，爽爽地，萝卜冇揸清甜，猪红口感都滑，我唔系食猪红嘅专家，不过听人讲啲猪红系猪血加鸡血做出来的，总之口感好过瘾就得啦。猪皮猪肠都几好，鸡翼尖都几好味，鸡翼可以呀，鱿鱼爽口， 红肠OK，鱼蛋我钟意。奶茶红豆冰都可以呀，红豆够淋，我照食。呢一餐唔敢话十分满足，8分都有嘅，10个𩠌，一个面，奶茶味，红豆，加埋十三种味道及口感，都几过瘾嘅。