榮式燒雞扒 (吳松街) (已結業)

鸡扒亲子饭，啲鸡扒真系不得了，唔怪得知可以连锁咁开咁多间。佢系好多汁，好 juicy，好弹牙但又不硬，味道超好，黑椒味超重，我有谂过系咪好多味精，但食完之后又冇觉得特别好颈渴，应该不多吧。五十几蚊咁嘅份量，好好，啱晒钟意食肉嘅朋友。对我来讲美中不足就当然系太少菜啦，唔健康，啲滑板好普通，下次我会试第二只。侧边啲葱同埋酸菜好特别，我自己觉得就唔系太衬鸡扒，但系用黎捞饭都几好食。热柠蜜唔需要加钱，咁我咪嗌一杯黎饮吓啰，一饮，唔怪得知唔使加钱啦，稀到爆，唔讲我以为我自己饮紧热柠水。佢嘅肉燥亦都系麻麻地，可能因为我哋expect 佢系台湾𠮶只肉燥，呢只味得个咸字，食完都唔知食做乜个种，我又唔可以话系难食，只系真系形容唔到系咩味。总括黎讲，食完之后真系唔想再煮饭，50几蚊碟头，味道又好，份量又足，好过自己煮啦。