鐵板燒·鑄

营业中

休息中

一直认为铁板烧只系「绰头」。如要追求镬气或风味点解唔支持我哋本土嘅大排档。只因一位对日本饮食文化素有研究嘅朋友多年来不厌其烦地推介，盛情难却下来到席前。今餐饭令我谂起朋友经常提到日本人嘅「料理美学」、用「五感」品尝「五味五色五法」，讲究由食物烹调到呈现，同时又代表著一种饮食文化。味道、烹调手法多样化，小菜搭配同摆盘美学等等，每个细节都令我对铁板烧日本料理有所改观。对于仍然「受人二分四，做到索哂气」嘅我来讲，满足三两小时口福之欲盛惠二千并不合符个人理财哲学，唯有当做买一趟难忘嘅文化体验！以「生」「鲜」为主，欣赏食皿。熬过嘅酱汁味道较浓郁，从咸香中带出食材鲜甜。先淡尝一口龙虾原味，再以虾膏汁入面意外美味。双法烹调，鱼肉蒸，鱼皮炸，难忘咬到一口鱼脂香，再将鱼肉伴入花屑忌廉汁同吃。除海鲜以外肉类我都不沾，只好交朋友代尝。朋友导赏讲解呢道系和食文化中嘅〝食事〞，意味餐宴步入终点，同步打破我「饭吃七分饱」嘅养生大原则。望著经过铁板上一番格斗嘅饭粒由湿润缠绵变得坚挺而自带镬气，我先喝下几啖海鲜味噌汤，继而将腌菜及炒饭交替一口接一口地送到胃腑去，炒饭舍弃「别有用心」嘅调味，未知是否想让原材料自行向味蕾