豆姨姨泰式廚房

营业中

休息中

上次食完豆姨妈之后觉得好好食，又忍唔住再黎，我地拣左餐牌上有星星符号（餐厅推介嘅菜式）嘅野食《沙爹串烧（鸡）+蒜蓉包》$109一上菜已经比蒜蓉包吸引住，蒜蓉包切成长方体，每边都擦满左牛油蒜蓉，咬落系外脆内软，蒜蓉味又岩岩好，唔会过多or过少，好好食。串烧方面我地全部拣晒鸡，唔知系唔系泰北系内陆地区，接近缅甸印度𠮶边，啲串烧鸡同印度烧鸡一样样，而且偏干身，一定要点沙爹酱食。《豆姨姨米线》$79开头以为系米线，黎到原来系米粉，个样同泰北鸡面有啲似，但味道系完全唔一样，汤底都系充满香料味，鲜甜而有微微嘅辣味，米粉索晒汤嘅味道，令人一啖接一啖。汤里面有鸡脚、猪红、肉碎，另外都有一碟猪皮、芽菜、鸡蛋、辣椒油，配料好丰富，增加层次感。《芒果糯米饭》（细）$59上前黎到都有食芒果糯米，今次再叫，上台嘅时候，依然热辣辣，啲糯米饭仲有烟出，不过今次芒果有d酸，厨师应该知道，所以落左好多椰汁，味道依然唔错。