Yadllie Plate 야들리애플래이트 (兆萬中心)

今日好青春咁去到旺角东兆万上面食野，book左间炸鸡同男朋友食，唔好睇少呢间炸鸡铺，果日星期六好多人上黎walk-in都冇位，比人book到full晒。入坐好快手咁睇左睇Menu，黎到梗系要食炸鸡啦，而炸鸡梗系要食下啲有骨嫁啦，所以我地叫左一份炸鸡，再叫左个小食同埋汤锅。黄金蒜香炸鸡 (跟薯条+泡菜) $158炸鸡一共有8件，加上成盘薯条好好食，配菜仲有泡菜同埋萝卜，炸鸡入面好嫩滑多汁，外而唔算好脆，不过蒜香汁好惹味。韩烧腩串 (跟沙律菜+洋葱圈) $158烧腩串上枱个阵真系吓一跳，好似好肥腻咁，而且咁多唔知两个人食唔食得晒，不过一旧肉配一旧fresh菠萝，又真系中和晒啲肥腻感，而且最有惊喜系个沙律。呢个系柚子汁沙律，劲fresh，成餐饭唯一嘅菜。酱油鱼介汤锅 $208汤锅好食到癫左，劲入味，而且我劲中意食韩式鱼糕，不过劲大份，好彩男朋友系到包底。男朋友表示食到最后加埋个面落去，唔洗落调味粉，超好食劲满足。西柚 Mocktail $118西柚tonic嘅配搭，好正。西柚生啤 $68值得一试，好似饮紧果汁咁。