影片
更多
2022-09-26
538 浏览
用餐体验非常差。嗌餐嘅时候，越南姐姐态度已经好差，黑口黑面，又串，明显感觉到佢非常烦躁。明白疫情下生意难做，不过将负面情绪转嫁俾客人盏倒自己米。等餐嘅时候，见到姐姐戴著手套喺雪柜抽出一只雪冻鸡摆系个劲污糟嘅星盆度洗，果时已经有小小反胃。之后收钱，煮𩠌，对手套由始至终都无换过，至多系喷下消毒酒精，就咁直接掂啲食物。汤粉味道差，汤底偏酸甜，有啲怪。份量OK，不过重味精，食完口渴。另外，汤粉都无越南河配搭嘅青柠，辣椒等配菜。再讲番炸物，好耐以前食过一次，印象中佢嘅炸物都算可以接受。不过尼次非常失望，炸物入口嘅时候已经唔热，又腍又软，好明显系一早已经炸好，去货慢，摆得耐咗。另外春卷嘅猪肉碎仲有腥臭味，可能系用唔新鲜嘅猪肉整嘅。食物价格算系较平，但咁嘅质素，下次不如俾多几蚊去附近嘅越南餐厅叹番餐正常嘅越式pho好过。食完到宜家个肚都仲系唔舒服，胃部有「顶住顶住」嘅感觉。总结：态度，食物质素，环境，卫生都已经差到贴地。非常失望，永无下次！
嗌餐嘅时候，越南姐姐态度已经好差，黑口黑面，又串，明显感觉到佢非常烦躁。明白疫情下生意难做，不过将负面情绪转嫁俾客人盏倒自己米。
等餐嘅时候，见到姐姐戴著手套喺雪柜抽出一只雪冻鸡摆系个劲污糟嘅星盆度洗，果时已经有小小反胃。之后收钱，煮𩠌，对手套由始至终都无换过，至多系喷下消毒酒精，就咁直接掂啲食物。
汤粉味道差，汤底偏酸甜，有啲怪。份量OK，不过重味精，食完口渴。另外，汤粉都无越南河配搭嘅青柠，辣椒等配菜。
再讲番炸物，好耐以前食过一次，印象中佢嘅炸物都算可以接受。不过尼次非常失望，炸物入口嘅时候已经唔热，又腍又软，好明显系一早已经炸好，去货慢，摆得耐咗。另外春卷嘅猪肉碎仲有腥臭味，可能系用唔新鲜嘅猪肉整嘅。
食物价格算系较平，但咁嘅质素，下次不如俾多几蚊去附近嘅越南餐厅叹番餐正常嘅越式pho好过。
食完到宜家个肚都仲系唔舒服，胃部有「顶住顶住」嘅感觉。
总结：态度，食物质素，环境，卫生都已经差到贴地。
非常失望，永无下次！
36 浏览
0 赞好
0 留言
张贴
