新麻蒲 BBQ (已結業)

自从上次食过新麻蒲，觉得佢嘅韩烧水准唔错，最近又相约吃货们黎呢到食啦！见到佢有新嘅龙虾套餐，，一于试下先！今次炉边芝士取代左炉边蛋，可以用黎点龙虾食！龙虾面层铺满芝士，龙虾肉下面系薯仔沙律，烧耐左芝士溶化，混合住沙律一齐食，几开胃！龙虾肉好弹牙爽口，应该系用上新鲜龙虾制成！龙虾海鲜汤，里面有两个大虾头！我食左一个，个头有好多膏，几香口。汤非常鲜味，带有少许辣，饮落几惹味，朋友们一致都话好饮！龙虾海胆忌廉年糕伴面面煮得略为淋左D，如果硬身返少许会更好食。忌廉汁都足够用黎伴混成碟意粉。呢碟意粉，最好味就紧系个龙虾钳！！朋友们都好懒唔想折肉，所以我一个人食哂龙虾龙虾肉质真系唔好，要赞多一次，好弹牙！另外呢个烧肉三层架，望落以为唔系好多，点知烧起上黎，份量都唔少，好似食极都食唔完咁。7安士特级牛扒，切到四四方方咁，卖相好吸引！最最最好味系个秘制牛肋排！！！真系坚正！！肉质非常软腍，咬落去劲滑，肉香充足，水准非常高，一定要试！