Hustle Guy (已結業)

Office 附近啱啱开咗间新黄店，今日难得返去，当然要第一时间朝圣。Hustle Guy 本店喺荃湾，听讲系颇受欢迎嘅街坊小店，主打 burger，pizza，pasta 等西式食物，今日我就试咗个经典牛肉汉堡。先嚟餐汤，虽然份量唔多，但系真心高质，既 creamy 又有香浓嘅芝士味，薯仔味同烟肉味，饮得出系心机之作。Burger 用料简单，除汉堡扒外，配料有芝士，蕃茄，生菜，洋葱同酱汁，我觉得蕃茄非常好食，劲厚切，好新鲜，好 juicy；反而汉堡扒就弱咗少少，虽然牛味都算够，不过肉质略嫌较干较嚡。薯条系连皮炸，就咁食已经好惹味，点埋黑松露酱，呢个真系冇得输🤤。