影片
更多
2016-09-02
277 浏览
难得o既假期又到,寻日同老公剪完个靓发,就揾好野食,今次黎到o既都系一间小店,虽然o系巷仔入面,但格局一d都唔失礼,星期日都不断有客入座,相信o系区内都有一定知名度.店内似乎有几多特色野食,老公想叫pizza,又想食猪肋骨,仲想食焗蚝…但系我一早睇中个羊架配鱼扒㖞...边食得晒…最后我地舍弃左Pizza, order其他3样~先黎个汤,我o个个跟餐o既用杯仔装,老公加钱配餐o既用碗装,形成强烈对比! 不过跟餐有呢个份量都算系咁,最重要系好味!餐汤系热辣辣o既忌廉南瓜蓉汤,汤甜滑口,带少少南瓜蓉,橙黄色o既汤加上一圈忌廉,装o系精致o既蓝色小杯入面,简约亦不失大体,低如果可加上一小片面包点汤会更生色.等一阵就羊架就到,黑色餐板上放著鲜红色碗,左边装住o既系羊架+鱼扒,中间系薯蓉沙律,最侧边系一碗小小o既意粉.羊架order了7成(haha,安全d好~).切开刚好,肉嫩多汁,唔太酥,而我最欣赏o既系…个汁!!!无错!系个汁,唔系平时出边食o既烧汁或洋葱汁,个汁系好似柚子醋咁,闻落清香…酸酸地好开胃.鱼扒呢,唔好expect好大件,但真心好食.两块鱼扒垫在羊架下,本身落左简单调味,吸收埋羊肉
店内似乎有几多特色野食,老公想叫pizza,又想食猪肋骨,仲想食焗蚝…但系我一早睇中个羊架配鱼扒㖞...边食得晒…最后我地舍弃左Pizza, order其他3样~
先黎个汤,我o个个跟餐o既用杯仔装,老公加钱配餐o既用碗装,形成强烈对比! 不过跟餐有呢个份量都算系咁,最重要系好味!餐汤系热辣辣o既忌廉南瓜蓉汤,汤甜滑口,带少少南瓜蓉,橙黄色o既汤加上一圈忌廉,装o系精致o既蓝色小杯入面,简约亦不失大体,低如果可加上一小片面包点汤会更生色.
等一阵就羊架就到,黑色餐板上放著鲜红色碗,左边装住o既系羊架+鱼扒,中间系薯蓉沙律,最侧边系一碗小小o既意粉.羊架order了7成(haha,安全d好~).切开刚好,肉嫩多汁,唔太酥,而我最欣赏o既系…个汁!!!无错!系个汁,唔系平时出边食o既烧汁或洋葱汁,个汁系好似柚子醋咁,闻落清香…酸酸地好开胃.鱼扒呢,唔好expect好大件,但真心好食.两块鱼扒垫在羊架下,本身落左简单调味,吸收埋羊肉o既肉汁同香味,估唔到咁夹!鱼肉煎香,咬落结实,意料之外! 中间一壳小小薯蓉加沙律菜,同样出色, 薯蓉仲有少许粒状,增加口感,沙律菜食得出好新鲜.摆碟亦靓!最后仲有一小碗意粉,用意非常好,希望客人有饱肚感.但就比较细份,无汁,就显得太干,成个餐o既份量女士食都还可以,不过男士就一定唔够lu.
跟住黎系BBQ猪肋骨,我好少点呢样,因为通常都唔好食,有D舖会烤到干争争,有D仲衰就系将猪肋骨烚到又淋又散先涂D酱上去系咁易焗下就扮烤熟,同埋得o个少少肉,成日都好似到喉唔到肺咁…不过老公想食就试下啦,同羊扒一样,,present好靓,呢个菜呢…我系唔太识评价,因为唔好…但我肯定佢唔系烚o既,BBQ酱够惹味,不过真系太少肉na….系 侧边d薯角食到饱,老公话薯角可以炸耐d,我就觉得刚好无咁热气.
最后黎o既系焗蚝,无错…我都唔知点解最后黎,蚝肉质鲜甜,上面o既芝士亦都好香好好味,但系两者食落感觉分得好开,融合唔到,唔知系味要焗耐d呢?其实老公食完唔系好饱,但又无理由叫多个餐,所以饮埋话梅柑桔蜜就走!呢个饮品系跟餐的,饮落好舒服,值得一赞
小店坐位唔多,开头去到未够7点,仲有小量位,不过都好快坐满,另外因为系开放式厨房,人一多就开始有油烟味,不过系可接受程度,但感觉就冇咁舒服.服务员都积极有礼,呢个又系要赞,特别系有位厨师内外兼顾,照顾埋客人需要及问题,感觉好贴心.同样百零二百蚊一个头(其实餐牌上仲有好多$7x-9x o既餐,不过今次无点),呢度地方虽小,但食得享受,简单o既摆碟同颜色配衬令眼睛先食!最最最重要系好味道!见到其他食评有咖啡猪手,下次要去试下先得!!支持诚意小店.
张贴
