影片
更多
2023-06-06
131 浏览
今晚约咗成班朋友食饭，拣咗呢间微辣大排档，入面有齐港澳美食，好似置身香港同埋澳门一样，好多童年回忆。澳门微辣YouTube 频道人气节目 《 微辣大排档》好受欢迎，店舖用呢个概念设计，集合冰室同埋大排档，有澳门娱乐城区域、旧式大排档、港铁车厢同埋港澳渡轮，成间店装修都好有特色，充满玩味。店内有好多唔同食物选择，小食同埋米芝莲小菜都有，另外仲有自创嘅食品，食物名都好有趣，又食得又玩得。猪扒包每次去澳门都会食大利来记嘅猪扒包，猪扒大件而且多汁，配埋松软嘅面包，吃得到澳门嘅味道。冰镇新鲜八爪鱼橙色嘅八爪鱼，令我谂起香港街边嘅小食，八爪鱼入口爽弹，沾上芥辣同酱油更好吃。椒盐猪润第一次食以椒盐炒嘅方式整嘅猪润，真系别有一番风味，猪膶炸到金黄酥脆，椒盐再加辣椒嘅味道，令到猪膶好香口。何伯爆屎渠呢款系微辣自家创食品，炸猪大肠入面放满甜酸汁，只要剪断大肠就会爆汁出嚟，睇得又食得，猪大肠入口香脆，个甜酸汁好惹味。米酒鸡用咗乞儿鸡嘅腌制方法再配合古法窑鸡煮理，鸡内酿有金针及云耳，上枱时候喺旁边淋上米酒，点火后好吸睛，打开薄荷叶闻到鸡肉好香，侍应贴心提供手套同埋铰剪，可以整个手撕鸡，入面嘅云耳好入味，鸡肉好
今晚约咗成班朋友食饭，拣咗呢间微辣大排档，入面有齐港澳美食，好似置身香港同埋澳门一样，好多童年回忆。
澳门微辣YouTube 频道人气节目 《 微辣大排档》好受欢迎，店舖用呢个概念设计，集合冰室同埋大排档，有澳门娱乐城区域、旧式大排档、港铁车厢同埋港澳渡轮，成间店装修都好有特色，充满玩味。
店内有好多唔同食物选择，小食同埋米芝莲小菜都有，另外仲有自创嘅食品，食物名都好有趣，又食得又玩得。
猪扒包
每次去澳门都会食大利来记嘅猪扒包，猪扒大件而且多汁，配埋松软嘅面包，吃得到澳门嘅味道。
冰镇新鲜八爪鱼
橙色嘅八爪鱼，令我谂起香港街边嘅小食，八爪鱼入口爽弹，沾上芥辣同酱油更好吃。
椒盐猪润
第一次食以椒盐炒嘅方式整嘅猪润，真系别有一番风味，猪膶炸到金黄酥脆，椒盐再加辣椒嘅味道，令到猪膶好香口。
何伯爆屎渠
呢款系微辣自家创食品，炸猪大肠入面放满甜酸汁，只要剪断大肠就会爆汁出嚟，睇得又食得，猪大肠入口香脆，个甜酸汁好惹味。
米酒鸡
用咗乞儿鸡嘅腌制方法再配合古法窑鸡煮理，鸡内酿有金针及云耳，上枱时候喺旁边淋上米酒，点火后好吸睛，打开薄荷叶闻到鸡肉好香，侍应贴心提供手套同埋铰剪，可以整个手撕鸡，入面嘅云耳好入味，鸡肉好嫩滑，仲食到有酒香，真系睇得又食得嘅一碟菜。
咸柠檬蛏子王
蛏子王好新鲜，仲加入咗九龙酱园嘅咸柠檬，令到味道好清新，估唔到呢个配搭令到圣子嘅鲜味更加突出。
霍哥顶得住青柠树
好大杯青柠冰，青柠汁配上沙冰，炎炎夏日清凉又解渴，食辣仲好解辣！
Yelo咖喱炒蟹来自皇冠小馆嘅咖喱炒蟹，咖喱大量香料再加上皇冠小馆嘅虾子汤，蟹肉选择咗菲律宾肉蟹，啖啖蟹肉都好鲜甜！
北角鸡蛋仔
小时候，我就喺北角长大，呢个鸡蛋仔用咗北角利强记嘅配方，鸡蛋仔比平时食到嘅较为圆大，金黄色入口外脆内软，好有鸡蛋肉地，吃得出我的童年回忆。
张贴
